అక్షరటుడే, వెబ్డెస్క్ :Heavy Rains | రాష్ట్రంలోని పలు ప్రాంతాల్లో సోమవారం తెల్లవారుజామున భారీ వర్షం కురిసింది. గత కొద్ది రోజులుగా ఉక్కపోతతో ఇబ్బంది పడుతున్న ప్రజలు ఈ వర్షంతో ఉపశమనం పొందారు.
జూన్ ప్రారంభం నుంచి తెలంగాణ(Telangana) రాష్ట్రంలో వర్షాలు ముఖం చాటేయడంతో పాటు ఎండలు పెరిగాయి. దీంతో ప్రజలు ఉక్కపోతతో ఇబ్బందులు పడ్డారు. ఈ క్రమంలో ఆదివారం రాత్రి పలు ప్రాంతాల్లో మోస్తరు వర్షం పడింది. సోమవారం తెల్లవారు జామున నుంచి పలు జిల్లాల్లో భారీ వర్షం(Heavy Rain) కురిసింది.
ఉత్తర, మధ్య తెలంగాణల్లోని పలు జిల్లాల్లో భారీ వర్షం కురుస్తోంది. మధ్యాహ్నం వరకు వర్షం కురిసే అవకాశం ఉన్నట్లు వాతావరణ శాఖ అధికారులు (Meteorological Department officers) తెలిపారు. నిజామాబాద్, మెదక్, కామారెడ్డి జిల్లాల్లో భారీ వర్షం పడింది. దక్షిణ తెలంగాణలోని గద్వాల్, వనపర్తి, నారాయణపేట్, మహబూబ్నగర్, రంగారెడ్డి, వికారాబాద్ జిల్లాల్లో ఈ రోజు సాయంత్రం నుంచి రాత్రి వరకు భారీ వర్షాలు కురిసే అవకాశం ఉంది. హైదరాబాద్(Hyderabad)లో మోస్తరు వర్షాలు పడుతాయని అధికారులు తెలిపారు.
