అక్షరటుడే, వెబ్డెస్క్ :Heavy Rains | రాష్ట్రంలోని పలు ప్రాంతాల్లో మరికొద్దిసేపట్లో భారీ వర్షం(Heavy Rain) పడే అవకాశం ఉంది. ఉత్తర, మధ్య తెలంగాణ(Telangana)లో దట్టమైన మేఘాలు కమ్ముకున్నాయి. ఆదిలాబాద్, ఆసిఫాబాద్, జగిత్యాల, సిరిసిల్ల, కరీంనగర్, పెద్దపల్లి, మంచిర్యాల, వరంగల్, హన్మకొండ అంతటా ఉరుములతో కూడిన వర్షాలు కురుస్తున్నాయి.
అలాగే.. నిజామాబాద్, కామారెడ్డి, సిద్దిపేట, జనగాం, మహబూబాబాద్, భూపాలపల్లి ప్రాంతాల్లో భారీ వర్షాలు కురుస్తాయని వాతావరణ శాఖ (Meteorological Department) అధికారులు తెలిపారు. హైదరాబాద్లో వాతావరణం పొడిగా ఉండే అవకాశం ఉంది.
Heavy Rains | పలు జిల్లాలకు హెచ్చరిక
మరోవైపు దక్షిణ తెలంగాణలో నైరుతి రుతుపవనాలు(Southwest Monsoon) విస్తరిస్తున్నాయి. ఉత్తర బంగాళాఖాతంలో ఉపరితల ఆవర్తనం కారణంగా రేపు, ఎల్లుండి తెలంగాణలో భారీ వర్షాలు కురిసే అవకాశం ఉంది. గంటకు 40-50 కి.మీ వేగంతో ఈదురుగాలులు వీస్తాయని అధికారులు తెలిపారు. వాతావరణ శాఖ రేపు తెలంగాణ(Telangana)లోని 4 జిల్లాలకు ఆరెంజ్‌ అలర్ట్, 14 జిల్లాలకు ఎల్లో అలర్ట్ జారీ చేసింది.
