అక్షరటుడే, వెబ్డెస్క్:Rain Alert | రాష్ట్రంలోని పలు ప్రాంతాల్లో మంగళవారం భారీ వర్షం(Heavy Rains in Telangana) పడే అవకాశం ఉందని వాతావరణ శాఖ(Meteorological Department) అధికారులు తెలిపారు.
ముఖ్యంగా హైదరాబాద్(Hyderabad city today weather) నగరంలో మధ్యాహ్నం తర్వాత వానలు పడుతాయని పేర్కొన్నారు. పలు చోట్ల అతి భారీ వర్షాలు పడే అవకాశం ఉందని, ప్రజలు అప్రమత్తంగా ఉండాలని సూచించారు.
బంగాళఖాతంలో ఏర్పడిన ఉపరితల ద్రోణీ ప్రభావంతో తెలంగాణ(Telangana)లోని ఇతర జిల్లాల్లో కూడా వర్షం పడే అవకాశం ఉందన్నారు. కాగా సోమవారం పలుచోట్ల కుండపోత వాన పడటంతో ప్రజలు ఇబ్బందులు పడ్డారు. షాబాద్లో 80 మిల్లీమీటర్లు, కేతిరెడ్డిపల్లిలో 75.8, మొయినాబాద్లో 70 మి.మీ. వర్షపాతం నమోదైంది. గంట వ్యవధిలోనే రికార్డు స్థాయిలో వర్షం పడటం గమనార్హం.
అటు ఆంధ్ర ప్రదేశ్(Andhra Pradesh)లో సైతం భారీ వర్షాలకు అవకాశం ఉంది. బంగాళాఖాతంలో అల్పపీడన ద్రోణి ప్రభావంతో అంబేద్కర్‌ కోనసీమ జిల్లాలో సముద్రం ముందుకు వచ్చింది. అంతర్వేది, కేశనపల్లి, కరవాక, చింతలమోరిలో అలల ఉధృతి కొనసాగుతోంది. దీంతో తీర ప్రాంత ప్రజలు అప్రమత్తంగా ఉండాలని అధికారులు సూచించారు.
