అక్షరటుడే, వెబ్డెస్క్ : Heavy Rain Alert | రాష్ట్రవ్యాప్తంగా గురువారం భారీ వర్షాలు (Heavy Rains) కురిసే అవకాశం ఉందని వాతావరణ శాఖ అధికారులు హెచ్చరించారు. బంగాళాఖాతంలో ఏర్పడిన అల్ప పీడన (LPA) ప్రభావంతో రాష్ట్రంలో మూడు, నాలుగు రోజులుగా వర్షాలు పడుతున్నాయి. ఇప్పటికే ఉమ్మడి వరంగల్ (Warangal), నల్గొండ జిల్లాల్లో అతి భారీ వర్షాలు పడటంతో ప్రజలు అనేక ఇబ్బందులు పడుతున్నారు. వరంగల్ నగరాన్ని వరద ముంచెత్తింది. ఇళ్లలోకి నీరు చేరడంతో ముంపు బాధితులు పునరావావస కేంద్రాల్లో తలదాచుకుంటున్నారు. మరోవైపు ఈ రోజు పలు జిల్లాల్లో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ అధికారులు వెల్లడించారు.
అల్ప పీడన ప్రభావంతో గురువారం ఉదయం నుంచే పలు జిల్లాల్లో వర్షాలు పడుతున్నాయి. వికారాబాద్, మెదక్, సంగారెడ్డి, సిద్దిపేట, జనగామ, సిరిసిల్ల, కామారెడ్డి, నిజామాబాద్, జగిత్యాల, పెద్దపల్లి, కరీంనగర్, ఆదిలాబాద్, ఆసిఫాబాద్, నిర్మల్ జిల్లాల్లో భారీ వర్షాలు పడుతాయని అధికారులు తెలిపారు.
Heavy Rain Alert | హైదరాబాద్ నగరంలో..
హైదరాబాద్ (Hyderabad) మహా నగరాన్ని వర్షం వీడటం లేదు. గత నాలుగు రోజులుగా నిత్యం వర్షం పడుతుండటంతో ప్రజలు ఇబ్బందులు పడుతున్నారు. రోడ్లపై నీరు చేరడంతో వాహనదారులు ట్రాఫిక్లో చిక్కుకుంటున్నారు. ఈ రోజు కూడా మధ్యాహ్నం వరకు నగరంలో చిరుజల్లులు కురిసే అవకాశం ఉంది. మధ్యాహ్నం తర్వాత మోస్తరు వానలు పడుతాయి. నగరంలో భారీ వర్షాలు కురుస్తాయని వాతావరణ శాఖ అధికారులు హెచ్చరించడడంతో ట్రాఫిక్ పోలీసులు ఇప్పటికే అప్రమత్తం అయ్యారు. ఈ రోజు ఐటీ ఉద్యోగులకు వర్క్ ఫ్రం హోమ్ (Work From Home) ఇవ్వాలని కంపెనీలను కోరారు. అలాగే జీహెచ్ఎంసీ (GHMC) పరిధిలో పాఠశాలలు సైతం మధ్యాహ్నం వరకే కొనసాగనున్నాయి.
Heavy Rain Alert | పాఠశాలలకు సెలవు
పలు జిల్లాల్లో భారీ వర్షాలు కురిసే అవకాశం ఉందని వాతావరణ శాఖ అధికారులు అలర్ట్ జారీ చేశారు. దీంతో అధికారులు ఆయా జిల్లాల్లో పాఠశాలలకు గురువారం సెలవులు (Holiday) ప్రకటించారు. మెదక్, సంగారెడ్డి, వికారాబాద్, ఖమ్మం, వరంగల్, జనగామ, హన్మకొండ, భూపాలపల్లి, మహబూబాబాద్ జిల్లాల్లో బడులకు సెలవు ఇచ్చారు. మరోవైపు ప్రజలు సైతం అత్యవసరం అయితేనే బయటకు వెళ్లాలని అధికారులు సూచించారు. చెరువులు, నదులు, వాగులు, ప్రాజెక్ట్ల వద్దకు వెళ్లొద్దన్నారు.
