అక్షరటుడే, వెబ్డెస్క్ : Weather Updates | రాష్ట్రవ్యాప్తంగా మంగళవారం నుంచి భారీ వర్షాలు (Heavy Rains) కురుస్తాయని వాతావరణ శాఖ అధికారులు (Meteorological Department officials) హెచ్చరించారు. వారం రోజుల క్రితం వరకు అల్ప పీడన ప్రభావంతో తెలంగాణ వ్యాప్తంగా వానలు దంచికొట్టిన విషయం తెలిసిందే. కొద్ది రోజులుగా తెరిపినిచ్చిన వర్షాలు మళ్లీ దంచికొట్టనున్నాయి.
బంగాళాఖాతంలో ఏర్పడిన అల్పపీడన (LPA) ప్రభావంతో రాష్ట్రంలో కుండపోత వర్షాలు కురుస్తాయని అధికారులు హెచ్చరించారు. రానున్న మూడు, నాలుగు రోజులు అతి భారీ వర్షాలు కురుస్తాయని ప్రజలు అప్రమత్తంగా ఉండాలని సూచించారు.
Weather Updates | ఆ జిల్లాలకు అలెర్ట్
ఉమ్మడి ఆదిలాబాద్, ఉమ్మడి నిజామాబాద్, ఉమ్మడి కరీంనగర్, ఉమ్మడి మెదక్, ఉమ్మడి వరంగల్, ఉమ్మడి ఖమ్మం జిల్లాల్లో అతి భారీ వర్షాలు కురుస్తాయి. ఆయా జిల్లాల ప్రజలు అప్రమత్తంగా ఉండాలని అధికారులు పేర్కొన్నారు. మిగతా ప్రాంతాల్లో మోస్తరు నుంచి భారీ వానలు కురుస్తాయి. నేటి నుంచి ఈ నెల 29 వరకు భారీ వర్షాలు కురుస్తాయని అధికారులు తెలిపారు.
Weather Updates | నేడు పలు జిల్లాల్లో..
రాష్ట్రంలోని పలు ప్రాంతాల్లో మంగళవారం భారీ వర్షాలు కురిసే ఛాన్స్ ఉంది. కొన్ని చోట్ల 80 నుంచి 100 మిల్లి మీటర్ల వర్షపాతం నమోదు కావొచ్చు. ఉదయం నుంచే ఆకాశం మేఘావృతమై ఉంటుంది. చలిగాలులు వీస్తాయి. మధ్యాహ్నం తర్వాత వర్షాలు పడుతాయి.
Weather Updates | హైదరాబాద్ నగరంలో..
హైదరాబాద్ (Hyderabad) నగరంలో ఈ రోజు మోస్తరు వర్షాలు కురిసే అవకాశం ఉంది. రానున్న నాలుగు రోజులు మోస్తరు నుంచి భారీ వానలు పడుతాయి. మంగళవారం సాయంత్రం, రాత్రి నగరంలో వర్షాలు పడుతాయని, ప్రజలు అత్యవసరం అయితేనే బయటకు రావాలని అధికారులు సూచించారు.
Weather Updates | వరదలతో జాగ్రత్త
రానున్న నాలుగు రోజులు అతిభారీ వర్షాలు పడితే వరద (Floods) పోటెత్తే అవకాశం ఉంది. ఇప్పటికే చెరువులు, ప్రాజెక్ట్లు నిండుకుండలా మారాయి. దీంతో వాగులు, నదులు ఉధృతంగా పారుతాయి. ఈ నాలుగు రోజుల పాటు ప్రజలు అప్రమత్తంగా ఉండాలి. ముఖ్యంగా చెరువులు, నదులు, కాలువల్లో చేపల వేటకు వెళ్లొద్దు. చెరువులకు భారీ వరద వస్తే గండ్లు పడే అవకాశం ఉంటుంది. ఆ మేరకు ప్రజలు జాగ్రత్తలు తీసుకోవాలి. కాలువలు, నదుల సమీపంలోకి వెళ్లకుండా ఉండటం మేలు.
