అక్షరటుడే, వెబ్డెస్క్:Weather Updates | రాష్ట్రంలోని పలు ప్రాంతాల్లో నాలుగు రోజులుగా వర్షాలు పడుతున్నాయి. దీంతో వాతావరణం చల్లబడింది. తెలంగాణ(Telangana)లో రానున్న ఐదు రోజులు మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ అధికారులు(Meteorological Department) హెచ్చరించారు.
దక్షిణ, పశ్చిమ తెలంగాణ జిల్లాల్లో భారీ వర్షాలు(Heavy Rains) కురిసే అవకాశం ఉంది. ఉరుములు, మెరుపులు, ఈదురు గాలులతో కూడిన భారీ వర్షాలు కురిసే అవకాశం ఉందని అధికారులు పేర్కొన్నారు. నైరుతి రుతుపవనాల ప్రభావంతో వర్షాలు పడుతున్నట్లు తెలిపారు.
Weather Updates | మరి కొద్దిసేపట్లో వర్షం
రాష్ట్రంలోని పలు జిల్లాల్లో శుక్రవారం సాయంత్రం వర్షం కురిసే అవకాశం ఉందని అధికారులు తెలిపారు. సిద్దిపేట, మెదక్, నల్గొండ, సూర్యాపేట, ములుగు, భూపాలపల్లి, వనపర్తి, నాగర్ కర్నూల్, యాదాద్రి భువనగిరి, జనగామ జిల్లాల్లో సాయంత్రం వాన పడే ఛాన్స్ ఉందన్నారు.
Weather Updates | హైదరాబాద్లో దంచికొట్టిన వాన
హైదరాబాద్లోని(Hyderabad) పలు ప్రాంతాల్లో శుక్రవారం మధ్యాహ్నం వర్షం కురిసింది. బషీర్బాగ్, అబిడ్స్, కోఠి, నాంపల్లి, హిమాయత్నగర్, చైతన్యపురి, సరూర్నగర్, సైదాబాద్, చంపాపేట్, అమీర్పేట్, ఎస్సార్ నగర్, ఎర్రగడ్డ, పంజాగుట్ట, జూబ్లీహిల్స్, బంజారాహిల్స్, శేరిలింగంపల్లి తదితర ప్రాంతాల్లో వర్షం కురిసింది. దీంతో వాహనదారులు ఇబ్బందులు పడ్డారు. సాయంత్రం కూడా హైదరాబాద్లో వర్షం కురిసే అవకాశం ఉంది.
