అక్షరటుడే, వెబ్డెస్క్ : Weather Updates | రాష్ట్రంలోని పలు ప్రాంతాల్లో ఆదివారం భారీ వర్షం (Heavy Rains) కురిసే అవకాశం ఉందని వాతావరణ శాఖ (Meteorological Department) అధికారులు తెలిపారు. ముఖ్యంగా తూర్పు తెలంగాణలోని ఖమ్మం, భద్రాద్రి – కొత్తగూడెం, మహబూబాబాద్, సూర్యాపేట, ములుగు జిల్లాల్లో సాయంత్రం భారీ వర్షం కురిసే అవకాశం ఉంది.
నల్గొండ, నాగర్కర్నూల్, మహబూబ్నగర్, యాదాద్రి, రంగారెడ్డి, వరంగల్, జనగామ, హన్మకొండ, భూపాలపల్లి, మంచిర్యాల, పెద్దపల్లి జిల్లాల్లో మధ్యాహ్నం మోస్తరు వర్షాలు (Moderate Rains) పడతాయి. మిగతా ప్రాంతాల్లో చెదురుమొదురు వానలు పడే ఛాన్స్ ఉంది. హైదరాబాద్ (Hyderabad)లో మోస్తరు నుంచి భారీ వర్షాలు పడుతాయి. నగరంలో సాయంత్రం, రాత్రి సమయంలో వాన పడే అవకాశం ఉంది.
Weather Updates | రేపటి నుంచి అల్పపీడనం
అల్ప పీడన (LPA) ప్రభావంతో రాష్ట్రంలో సోమవారం నుంచి భారీ వర్షాలు కురుస్తాయని వాతావరణ శాఖ అధికారులు తెలిపారు. కాగా మూడు రోజులుగా కురుస్తున్న వర్షాలతో వాగులు, వంకలకు జలకళ వచ్చింది. చెరువులు, కుంటల్లోకి నీరు వస్తోంది. దీంతో రైతులు హర్షం వ్యక్తం చేస్తున్నారు. మొన్నటి వరకు వర్షాలు లేక ఎండుతున్న పంటలకు ఈ వర్షాలు జీవం పోశాయి.