అక్షరటుడే, వెబ్డెస్క్ : Weather Updates | బంగాళాఖాతంలో ఏర్పడిన అల్ప పీడన (LPA) ప్రభావంతో రాష్ట్రంలోని పలు ప్రాంతాల్లో మంగళవారం భారీ వర్షాలు (Heavy Rains) కురుస్తాయని వాతావరణ శాఖ అధికారులు (IMD) తెలిపారు.
ఖమ్మం, భద్రాద్రి కొత్తగూడెం, మహబూబాబాద్, ములుగు, యాదాద్రి భువనగిరి, నల్గొండ, జనగామ జిల్లాల్లో మధ్యాహ్నం తర్వాత మోస్తరు నుంచి భారీ వర్షాలు కురిసే అవకాశం ఉంది. మిగతా జిల్లాల్లో అక్కడక్కడ జల్లులు పడుతాయి. హైదరాబాద్ (Hyderabad) నగరంలో సైతం, మధ్యాహ్నం నుంచి రాత్రి వరకు అక్కడక్కడ తేలికపాటి వర్షం కురుస్తుంది.
కాగా రాష్ట్రంలోని పలు జిల్లాల్లో సోమవారం సైతం వర్షం పడింది. నాగర్ కర్నూల్, వనపర్తి, గద్వాల్, మహబూబ్నగర్, నారాయణపేట్ జిల్లాల్లో వర్షం పడింది. వర్షంతో ప్రజలు తీవ్ర ఇబ్బందులు పడుతున్నారు. అల్ప పీడన ప్రభావంతో ఆదివారం వరకు తెలంగాణ వ్యాప్తంగా వానలు దంచికొట్టాయి. సోమవారం మరో అల్ప పీడనం ఏర్పడటంతో భారీ వర్ష సూచన ఉందని అధికారులు హెచ్చరిస్తున్నారు. నిత్యం వర్షాలు పడుతుండటంతో ప్రజలు అవస్థలు పడుతున్నారు.
Weather Updates | రైతుల ఆందోళన
వర్షాలతో రైతులు (Farmers) ఆందోళన చెందుతున్నారు. ముందస్తుగా సాగు చేసిన వరి (Paddy) పొలాలు కోతకు వచ్చాయి. మొక్కజొన్న, సోయాబీన్ పంట కోతలు ప్రారంభం అయ్యాయి. వర్షాలతో పంట కోతలకు ఇబ్బందులు ఎదురు అవుతున్నాయి. మరోవైపు మొక్కజొన్న, సోయాబీన్ పంటలను ఆరబెట్టిన తర్వాత వర్షాలు పడుతుండటంతో పంట తడిసిపోతుందని అన్నదాతలు ఆందోళన చెందుతున్నారు.
