అక్షరటుడే, వెబ్డెస్క్ : Sriram Sagar | శ్రీరాంసాగర్ ప్రాజెక్ట్ (SRSP)కు భారీగా వరద వస్తోంది. నాలుగు రోజుల పాటు రాష్ట్రంలో భారీ వర్షాలు (Heavy Rains) కురిశాయి. దీంతో ప్రాజెక్ట్లోకి భారీగా ఇన్ఫ్లో వస్తోంది. ఆదివారం ఉదయ 20 వేల క్యూసెక్కుల వరద రాగా సాయంత్రానికి 50 వేల క్యూసెక్కులకు పెరిగింది. సాయంత్రం ఆరు గంటల సమయంలో ప్రాజెక్ట్లోకి 52,765 క్యూసెక్కుల వరద వస్తోంది.
దీంతో ప్రాజెక్ట్ నీటిమట్టం క్రమంగా పెరుగుతోంది. జలాశయం పూర్తిస్థాయి నీటిమట్టం 1091 (80.5 టీఎంసీలు) అడుగులు కాగా.. ప్రస్తుతం 1070.50 (24.23 టీఎంసీలు) అడుగుల నీరు ఉంది. ప్రాజెక్ట్ నుంచి కాకతీయ ప్రధాన కాలువ (Kakatiya Canal)కు వంద క్యూసెక్కులు, మిషన్ భగీరథకు 231 క్యూసెక్కులు విడుదల చేస్తున్నారు.
Sriram Sagar | రైతుల హర్షం
ఉత్తర తెలంగాణ జిల్లాల వర ప్రదాయిని శ్రీరాంసాగర్కు భారీగా వరద వస్తుండడంతో రైతులు (Farmers) హర్షం వ్యక్తం చేస్తున్నారు. వానాకాలం సీజన్ ప్రారంభం అయినప్పటి నుంచి ఈ రోజే భారీగా వరద వచ్చింది. మొన్నటి వరకు రెండు, మూడు వేల క్యూసెక్కులు మాత్రమే ఇన్ఫ్లో నమోదు కాగా.. ప్రస్తుతం 50 వేలు దాటడంతో రైతులు ఆనంద పడుతున్నారు. ప్రాజెక్ట్ నిండితే రెండు పంటలకు ఢోఖా ఉండదని పేర్కొంటున్నారు.
