అక్షరటుడే, వెబ్డెస్క్ : Dangerous Stunts | ప్రస్తుతం చాలా మంది సోషల్ మీడియా (Social Media)కు బానిసలుగా మారిపోయారు. ఏదో ఒకటి చేసి సోషల్ మీడియాలో ఫేమస్ కావాలని కొంతమంది యువకులు ప్రయత్నిస్తున్నారు. దీంతో పిచ్చి పిచ్చి చేష్టలతో ప్రాణాల మీదకు తెచ్చుకుంటున్నారు.
ఇటీవల ఓ యువకుడు రైలు వెళ్తుండగా ట్రాక్ (Railway Track)పై పడుకొని రీల్స్చేసిన విషయం తెలిసిందే. తాజాగా మరో యువకుడు రీల్స్ (Reels) కోసం ఏకంగా ఫ్లై ఓవర్ పైనుంచి దూకేశాడు. సోషల్ మీడియాలో వైరల్ కావాలని ఆ యువకుడు ఫ్లై ఓవర్ నుంచి దూకాలని ప్లాన్వేశాడు. చెత్త లోడ్తో ఉన్న వ్యాన్లో దూకాలని భావించాడు. ఈ మేరకు లారీని ఏర్పాటు చేసుకున్నాడు. ఫ్లై ఓవర్పైకి ఎక్కి దూకాడు. అయితే మనోడి ప్లాన్ బెడిసి కొట్టింది. చెత్త వ్యాన్ ముందు వెళ్లడం.. మనోడు దూకడంలో కాస్త ఆలస్యం కావడంతో వాన్లో కాకుండా కింద పడ్డాడు. దీంతో తీవ్ర గాయాలు అయ్యాయి. దీంతో స్థానికులు అతడిని ఆస్పత్రికి తరలించారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్గా మారింది. అయితే ఈ ఘటన ఎక్కడ జరిగిందనే వివరాలు తెలియరాలేదు.
Dangerous Stunts | ఇదేం పిచ్చి..
తమ పిల్లలు చదువుకొని ప్రయోజకులు అవుతారని తల్లిదండ్రులు భావిస్తే.. పలువురు యువకులు ప్రమాదకర విన్యాసాలతో ప్రాణాల మీదకు తెచ్చుకుంటున్నారు. సృజనాత్మకత, ఆవిష్కరణలు చేపట్టి దేశ అభివృద్ధిలో భాగం కావాల్సిన యువత సోషల్ మీడియాకు బానిసలుగా మారిపోయారు. మిగతా దేశాల్లో యువకులు ఆవిష్కరణలు, స్టార్టప్లు పెడుతుంటే మన దగ్గర మాత్రం చాలా మంది రీల్స్ చూస్తూ కాలం గడిపేస్తున్నారు. మరికొంత మంది ఫేమస్ కావడం కోసం ఇలాంటి ప్రమాదకర విన్యాసాలు చేస్తున్నారు. గతంలో సైతం పలువురు రోడ్లపై ప్రమాదకరంగా స్టంట్లు చేసిన విషయం తెలిసిందే. రీల్స్ కోసం ఇలాంటి స్టంట్లు చేసే వారిపై కఠిన చర్యలు తీసుకోవాలని ప్రజలు కోరుతున్నారు.
రీల్స్ మోజులో డేంజరస్ స్టంట్.. ఫ్లైఓవర్ మీద నుంచి జంప్
సోషల్ మీడియాలో వైరల్ అవ్వాలన్న ఉద్దేశంతో.. ప్రమాదకరమైన స్టంట్ చేసిన యువకుడు
ఫ్లైఓవర్‌పై నుంచి చెత్త లారీపై దూకాలని ప్లాన్.. బెడిసికొట్టి ప్రాణాల మీదకి తెచ్చుకున్న వైనం
దూకడం ఆలస్యం అవ్వడంతో రోడ్డుపై పడ్డ యువకుడు.. ఈ ఘటనలో… pic.twitter.com/lSajbRjGAq
— PulseNewsBreaking (@pulsenewsbreak) August 22, 2025
