అక్షరటుడే, వెబ్​డెస్క్ : UP Police | ఓ వ్యక్తి తనలోని సృజనాత్మకతకు పదును పెట్టాడు. అందరిలా కాకుండా కాస్త డిఫరెంట్​గా ఉండాలని యత్నించాడు. తన కారు carను హెలిక్యాప్టర్ helicapter​లా డిజైన్​ చేసి మురిసిపోయాడు. ఆ కారుతో రోడ్లపై రయ్యుమని దూసుకెళ్దామని అనుకున్నాడు. కానీ యూపీ పోలీసులు up police ఆయనకు షాక్​ ఇచ్చారు. కారును సీజ్​ చేసి పోలీస్​ స్టేషన్​కు తరలించారు. యూపీ ప్రతాప్ గడ్ జిల్లాలోని పట్టి కొత్వాలిలో రాజ్​ నారాయణ్​ అనే వ్యక్తి కారును హెలికాప్టర్‌గా మార్చాడు.

పట్టి కొత్వాల్ అవన్ కుమార్ దీక్షిత్ బధ్వా బజార్‌లో గస్తీ తిరుగుతుండగా.. ఈ హెలికాప్టర్ ఆకారంలో ఉన్న కారును చూశారు. దానికి చూసి ఆశ్చర్యపోయిన ఆయన తర్వాత తేరుకొని ఠాణాకు తరలించారు. కారును అనధికారికంగా మోడిఫై చేసినందుకు రూ.25 వేల జరిమానా విధించారు. కాగా సదరు కారును రాజ్​నారాయణ పెళ్లిలో వధూవరుల ఊరేగింపు కోసం అద్దెకు ఇచ్చేవాడని తెలిసింది. అయితే మోడిఫై చేసిన వాహనాలపై చర్యలు తీసుకుంటున్నట్లు పోలీసులు తెలిపారు.