అక్షరటుడే, హైదరాబాద్: Gym trainer : నటనపై ఆసక్తితో వెండితెర(silver screen), బుల్లితెర(TV)పై నటించేందుకు హైదరాబాద్కు వస్తున్న అమ్మాయిలను జులాయిలు, వంచకులు బుట్టలో వేసుకుని వంచిస్తున్నారు. ప్రేమ పేరుతో వంచించి, నిలువునా దోచుకుంటున్నారు. ఇలాంటి ఘటనలు నిత్యకృత్యం అవుతున్నాయి. తాజాగా మరో ఘటన వెలుగు చూసింది.
జూనియర్ ఆర్టిస్ట్‌(junior artist)ను ప్రేమపేరుతో మహేష్ అనే జిమ్‌ ట్రైనర్‌ లోబర్చుకున్నాడు. రెండేళ్ల పాటు వీరు సహజీవనం చేశారు. దీంతో యువతి అతడిని పూర్తిగా నమ్మింది. ఆ తర్వాతే మహేష్ తన అసలు స్వరూపం బయటపెట్టాడు. ఆమె వద్ద నుంచి రూ.15 లక్షలు తీసుకుని, తన అసలు రంగు బయటపెట్టాడు. పెళ్లి చేసుకుంటానని నమ్మించి ముఖం చాటేశాడు.
తాను మోసపోయానని ఆలస్యంగా గుర్తించిన బాధితురాలు.. జూబ్లీహిల్స్‌ పోలీసుల(Jubilee Hills police)కు ఫిర్యాదు చేసింది. బాధితురాలి ఫిర్యాదు మేరకు కేసు నమోదు చేసిన పోలీసులు.. నిందితుడు మహేష్‌ను అరెస్టు చేశారు.
