అక్షరటుడే, మెదక్ : Medak | హవేళి ఘనపూర్(Haveli Ghanpur) మండలం బూర్గుపల్లి (Burugupalli)లో గత ఐదు రోజులుగా సాగుతున్న ఉత్సవాలు సోమవారంతో ముగిశాయి.
ఉత్సవాల్లో భాగంగా తొలి మూడు రోజులు గ్రామ దేవతల ఆలయాల చుట్టూ ఎడ్లబండ్లను తిప్పారు. అమ్మవార్లకు ప్రత్యేక పూజలు చేసి, మొక్కులు చెల్లించుకున్నారు. సోమవారం తెల్లవారుజామున నల్లపోచమ్మ ఆలయం (Nalla Pochamma Temple haveli ghanpoor) వద్ద రథోత్సవం వైభవంగా నిర్వహించారు. భక్తులు అధిక సంఖ్యలో పాల్గొని రథాన్ని లాగారు. అయితే వర్షం పడి ఆలయ పరిసరాలు బురదమయంగా మారడంతో భక్తులు ఇబ్బందులు పడ్డారు.
