అక్షరటుడే, బీర్కూర్: Paddy Centers | ప్రభుత్వం ఏర్పాటు చేసిన కొనుగోలు కేంద్రాల్లోనే రైతులు ధాన్యం విక్రయించాలని ఐకేపీ ఏపీఎం (IKP APM) శిరీష సూచించారు. బీర్కూర్ (Birkur) మండల పరిధిలో ఐకేపీ ఆధ్వర్యంలో వరి ధాన్యం కొనుగోలు కేంద్రాలను బుధవారం ఏర్పాటు చేశారు.
ఈ సందర్భంగా ఆమె మాట్లాడుతూ.. బైరాపూర్(Birapur), కిష్టాపూర్, తిమ్మాపూర్ గ్రామ సంఘాల ఆధ్వర్యంలో కనీస మద్దతు ధరకు రైతుల నుంచి వరి కొనుగోలు చేయనున్నట్లు పేర్కొన్నారు.
రైతులు ధాన్యాన్ని మద్దతు ధరకు విక్రయించేలా అన్ని ఏర్పాట్లు చేసినట్లు చెప్పారు. కార్యక్రమంలో బీర్కూర్ తహశీల్దార్ భుజంగరావు, మండల సమాఖ్య సిబ్బంది, గ్రామ సంఘాల అధ్యక్షులు, గ్రామ సంఘ సిబ్బంది, రైతులు పాల్గొన్నారు.
Paddy Centers | పెద్దగొడప్గల్లో..
అక్షరటుడే, పెద్ద కొడప్గల్: మండల కేంద్రంలోని ప్రాథమిక సహకార సంఘంలో (Primary Cooperative Society) మంగళవారం వరి కొనుగోలు కేంద్రాన్ని సొసైటీ సీఈవో సందీప్ ప్రారంభించారు. అనంతరం మాట్లాడుతూ.. ప్రభుత్వం ఏ గ్రేడ్ ధాన్యానికి రూ.2,389 నిర్ణయించిందన్నారు.
అలాగే కామన్ గ్రేడ్ ధర రూ.2,369 మద్దతు ధరను నిర్ణయించిందని పేర్కొన్నారు. ప్రాథమిక సహకార సంఘం పరిధిలో ఏర్పాటు చేసిన కేంద్రం వల్ల పెద్ద కొడప్గల్, కాసులాబాద్, సీతారాంపల్లి, శాంతాపూర్ గ్రామాల రైతులకు ఉపయోగపడుతుందన్నారు. రైతులు దళారులకు అమ్మి మోసపోవద్దని.. ప్రభుత్వం ఏర్పాటు చేసిన కొనుగోలు కేంద్రాల్లోనే ధాన్యం విక్రయించాలని సూచించారు.
