అక్షరటుడే, వెబ్డెస్క్: Mir Alam Tank | రాష్ట్ర ప్రభుత్వం కీలక నిర్ణయం తీసుకుంది. హైదరాబాద్ నగరంలోని మీర్ ఆలం ట్యాంక్పై ఐకానిక్ వంతెన నిర్మాణానికి టెండర్లకు అనుమతి ఇచ్చింది. కెఎన్ఆర్ కన్స్ట్రక్షన్ కంపెనీ పనులను దక్కించుకుంది.
మీర్ ఆలం చెరువుపై (Mir Alam Tank) వంతెన నిర్మాణానికి రూ.430 కోట్లు మంజూరు చేస్తూ గతంలోనే ప్రభుత్వం పరిపాలన అనుమతులు జారీ చేసింది. మెట్రోపాలిటన్ ఏరియా మరియు అర్బన్ డెవలప్‌మెంట్ (MAUD)- మూసి రివర్‌ఫ్రంట్ డెవలప్‌మెంట్ కార్పొరేషన్ లిమిటెడ్( MRDCL) ఆధ్వర్యంలో మీరం ఆలం ట్యాంక్పై వంతెన (Bridge) నిర్మించనున్నారు. ఈపీసీ (EPC) మోడల్లో శాస్త్రిపురం వద్ద బెంగళూరు జాతీయ రహదారి నుంచి చింతల్‌మెట్ రోడ్డుకు అనుసంధానించేలా నిర్మించనున్న ఈ ఐకానిక్ బ్రిడ్జి కోసం ప్రభుత్వం రూ.430 కోట్లు కేటాయించింది. తాజాగా టెండర్లకు సైతం ఆమోదం తెలపడంతో త్వరలో పనులు ప్రారంభించే అవకాశం ఉంది. రూ.304 కోట్లతో కేఎన్ఆర్ కంపెనీ పనులు దక్కించుకుంది.
Mir Alam Tank | చెరువు అభివృద్ధికి చర్యలు
నగరంలోని మీరం ఆలం చెరువు అభివృద్ధికి చర్యలు చేపడుతామని ముఖ్యమంత్రి రేవంత్రెడ్డి (CM Revanth Reddy) గతంలో ప్రకటించారు. పాత బస్తీ (Old City) సమీపంలోని మీరం ఆలం చెరువులో కేబుల్ బ్రిడ్జి నిర్మిస్తామని ఆయన ప్రకటించారు. ట్రాఫిక్ రద్దీని తగ్గించడంతో పాటు పర్యాటకులను ఆకర్షించేలా కేబుల్ సస్పెన్షన్ బ్రిడ్జి నిర్మిస్తామని గతంలో సీఎం తెలిపారు. ఈ మేరకు తాజాగా వంతెన నిర్మాణానికి టెండర్లు ఖరారు చేసింది. ఈ మేరకు సోమవారం ప్రభుత్వ ప్రధాన కార్యదర్శి రామకృష్ణారావు ఉత్తర్వులు జారీ చేశారు. 2.65 కిలోమీటర్ల మేర నాలుగు లేన్లతో ఐకానిక్ వంతెన నిర్మాణం చేపట్టనున్నారు.
