అక్షరటుడే, వెబ్డెస్క్ : Google Logo | ప్రముఖ టెక్ దిగ్గజ కంపెనీ గూగుల్ google తన లోగోలో స్వల్ప మార్పులు చేసింది. ప్రస్తుతం మనం చూస్తున్న గూగుల్ G ఆకారంలోని లోగోను 2015 సెప్టెంబర్ 1 రూపొందించారు. అంతకు ముందు గూగుల్ ఇంగ్లిష్ అక్షరాలతోనే ఉండేది. అయితే 2015 ప్రస్తుతం ఉన్న లోగోను విడుదల చేశారు. గతంలో ఎరుపు, పసుపు, ఆకుపచ్చ, నీలం రంగులు విడివిడిగా కనిపించేవి. ప్రస్తుతం ఒకదానికొకటి కలిసిపోయినట్లు కనిపించేలా లోగోలో మార్పులు చేశారు. గూగుల్లో లోగో G అక్షరంలో ఎలాంటి మార్పులు చేయకుండా కేవలం రంగుల్లో మాత్రమే మార్పులు చేసింది. కొత్త లోగ్ చూడటానికి బాగా ఉండటంతో పాటు ఆకర్షించేలా ఉంది.
Google Logo | లోగో ఎప్పుడెప్పుడు మార్చిందంటే..
గూగుల్ గతంలో కూడా తన లోగోలను మార్చింది. అయితే అప్పుడు గూగుల్ అక్షరరూపంలో లోగో ఉండేది. అమెరికా చెందిన గూగుల్ కంపెనీని 1998లో స్థాపించారు. కంపెనీ అనౌన్స్మెంట్కు ముందు జిగ్జాగ్ రూపంలో గూగుల్ అక్షరాలతో లోగో ఉండేది. కంపెనీ ప్రారంభించిన తర్వాత లోగోలో మార్పులు చేశారు. బాస్కర్విల్లె బోల్డ్ టైప్ఫేస్లో లోగో రూపొందించారు. 1998 మే 30న మరోసారి లోగో మార్చింది. 1999లో కాటల్ టైప్ఫేస్ స్టైల్లో లోగో మార్చారు. ఇది 2015 వరకు అమలులో ఉంది. అనంతరం 2015లో ప్రస్తుతం ఉన్న లోగో తీసుకొచ్చారు. తాజాగా దానిలో కొన్ని మార్పులు చేశారు.
Google Logo | గూగుల్ డూడుల్స్ అంటే..
నిత్యం ఉండే గూగుల్ లోగో స్థానంలో మనకు అప్పుడప్పుడు కొత్త రూపం కనిపిస్తు ఉంటుంది. దీనిని గూగుల్ డూడుల్స్ అంటారు. సెలవులు, సంఘటనలు, విజయాలు, చారిత్రక వ్యక్తులను స్మరించుకోవడానికి గూగుల్ లోగోలో ఆ ఒక్క రోజు మార్పులు చేస్తుంది.
