అక్షరటుడే, వెబ్డెస్క్ :Aadhaar Updation | దేశంలో ప్రస్తుతం ఆధార్ కార్డు (Aadhar card) ఎంతో కీలకం. అన్నింటికీ ఆధార్ తప్పనిసరి. పాఠశాలలో ప్రవేశాల నుంచి మొదలు పెడితే పాస్పోర్టు వరకు ఆధార్కార్డు ఉంటేనే సాధ్యం. అంతేగాకుండా ప్రభుత్వ సంక్షేమ పథకాలు కూడా ఆధార్ కార్డు ఉంటేనే అందుతాయి. అయితే ఆధార్కార్డులో తప్పులు ఉన్నవారు ఇన్నిరోజులు వాటిని సరి చేసుకోవడానికి అనేక ఇబ్బందులు పడేవారు. అయితే కేంద్రం తాజాగా అలాంటి వారికి శుభవార్త చెప్పింది. ఇక ఇంట్లో నుంచే ఆధార్ కార్డు అప్డేట్ చేసుకోవచ్చని తెలిపింది.
Aadhaar Updation | ఓటీపీ ద్వారా అప్డేట్
ఆధార్ కార్డును ఇక ఇంట్లో నుంచే అప్డేట్ చేసుకోవచ్చు. ఓటీపీ (OTP) ద్వారా ఈ ప్రక్రియ చేపట్టడానికి కేంద్రం అవకాశం ఇచ్చింది. గతంలో ఆధార్కార్డు పొందిన వారిలో చాలా మందికి పుట్టిన తేది, ఇంటి పేరు, పేర్లు తప్పులుగా నమోదు అయ్యాయి. దీంతో వీరు ఆధార్ సెంటర్ల చుట్టూ తిరుగుతూ ఇబ్బందులు పడుతున్నారు. తాజాగా ప్రభుత్వం పుట్టిన తేది, ఇంటి పేరు, పేరు మార్పు లాంటి వివరాలను ఇంటి నుంచే అప్డేట్ (Aadhaar Update) చేసుకునే అవకాశం కల్పించింది. పదేళ్ల క్రితం ఆధార్ పొంది.. ఇప్పటి వరకు ఒక్కసారి కూడా అప్డేట్ చేసుకొని వారికి ఇది ఎంతో ఉపయోగ పడుతుంది.
Aadhaar Updation | కావాల్సిన పత్రాలు
ఆధార్లో మార్పులు చేయాలనుకునే వారు పోర్టల్లోకి వెళ్లి లాగిన్ కావాల్సి ఉంటుంది. ఇంటి పేరు మార్పు కోసం పదో తరగతి మెమో లేదా మ్యారిజ్ సర్టిఫికెట్ అప్లోడ్ చేయాలి. పాస్‌పోర్ట్, ఓటరు ఐడీ, పాన్ కార్డ్ కూడా అప్లోడ్ చేయొచ్చు. చిరునామా మార్పు కోసం బ్యాంక్ పాస్‌బుక్, రేషన్ కార్డ్, అద్దె ఒప్పందం (అద్దె ఇంట్లో నివసించేవారు) అప్లోడ్ చేయాలి. అనంతరం మొబైల్కు ఓటీపీ వస్తుంది. ఓటీపీ ఎంటర్ చేయగానే ఆధార్ అప్డేట్ ప్రక్రియ ముగుస్తుంది.
Aadhaar Updation | ఉచిత ఆధార్ అప్డేట్ గడువు పొడిగింపు
ఆధార్లో డాక్యుమెంట్లను ఉచితంగా ఆన్‌లైన్‌లో అప్డేట్ చేసుకునే గడువును యూఐడీఏఐ పొడిగించింది. ఈ గడువు ఈ ఏడాది జూన్ 14తో ముగుస్తుందని మొదట ప్రకటించింది. అయితే 2026 జూన్ 14 వరకు గడువు పొడిగించినట్లు ఎక్స్ వేదిక ప్రకటించింది.
