అక్షరటుడే, వెబ్డెస్క్: చైనాతో వాణిజ్య ఒప్పందాల(Trade agreement) విషయంలో అమెరికానుంచి మరోసారి సానుకూల ప్రకటన రావడం, యుద్ధానికి ముగింపు పలకడానికి రష్యా(Russia), ఉక్రెయిన్ సంసిద్ధత వ్యక్తం చేయడం, భారత్(Bharath), పాక్ మధ్య సీజ్ ఫైర్కు అంగీకారం కుదరడంతో గ్లోబల్ మార్కెట్లు పరుగులు తీస్తున్నాయి. సోమవారం వాల్స్ట్రీట్(Wallstreet) జోరు చూపిస్తోంది. డౌజోన్స్ ఫ్యూచర్స్ 1 శాతానికిపైగా లాభంతో కొనసాగుతోంది. ఆసియా మార్కెట్లు సైతం పాజిటివ్గా స్పందిస్తున్నాయి.
Pre market analysis | లాభాల బాటలో యూరోప్ మార్కెట్లు
గత ట్రేడింగ్ సెషన్(Trading session)లో యూరోప్ మార్కెట్లు లాభాలతో ముగిశాయి. సీఏసీ 0.64 శాతం పెరగ్గా.. డీఏఎక్స్ 0.62 శాతం, ఎఫ్టీఎస్ఈ(FTSE) 0.27 శాతం లాభపడ్డాయి.
Pre market analysis | పాజిటివ్గా ఆసియా మార్కెట్లు..
ప్రధాన ఆసియా(Asia) మార్కెట్లు సోమవారం లాభాలతో కొనసాగుతున్నాయి. ఉదయం 8.30 గంటల ప్రాంతంలో తైవాన్ స్టాక్ ఎక్స్ఛేంజ్ 1.04 శాతం లాభంతో ఉండగా.. హంగ్సెంగ్(Hang seng) 0.99 శాతం, షాంఘై 0.54 శాతం, కోస్పీ 0.45 శాతం లాభంతో కదలాడుతున్నాయి. నిక్కీ ఫ్లాట్గా ఉంది. గిఫ్ట్ నిఫ్టీ(Gift nifty) 1.91 శాతం లాభంతో కొనసాగుతుండడంతో మన మార్కెట్లు భారీ గ్యాప్అప్లో ప్రారంభమయ్యే అవకాశాలు కనిపిస్తున్నాయి.
Pre market analysis | గమనించాల్సిన అంశాలు..
- వరుసగా 16 ట్రేడింగ్ సెషన్లు నెట్ బయ్యర్లుగా నిలిచిన ఎఫ్ఐఐ(FII)లు.. శుక్రవారం యుద్ధ భయాలతో నెట్ సెల్లర్లు(Net sellers)గా మారారు. నికరంగా రూ. 3,798 కోట్ల విలువైన స్టాక్స్ విక్రయించారు. అయితే డీఐఐలు మాత్రం అగ్రెస్వ్గా మారి నికరంగా రూ. 7,277 కోట్ల విలువైన స్టాక్స్ కొన్నారు.
- క్రూడ్ ఆయిల్(Crude oil) ధర 0.40 శాతం పెరిగి 61.27 డాలర్లకు చేరింది.
- డాలర్తో రూపాయి మారకం విలువ 33 పైసలు బలపడి 85.37 వద్ద నిలిచింది.
- ఇండియా విక్స్(VIX) ఆందోళనకర స్థాయిలో ఉంది. శుక్రవారం 2.98 శాతర పెరిగి, 21.63కి చేరింది. ఇది మార్కెట్లలో తీవ్ర వొలటాలిటీని సూచిస్తోంది.
- నిఫ్టీ పుట్ కాల్ రేషియో(PCR) 0.94 శాతం తగ్గి 1.08 వద్ద ఉంది. ఇది బుల్స్కు అనుకూలం.
- భారత్ -పాక్ల మధ్య సీజ్ ఫైర్ ఒప్పందం కుదిరినా.. పాక్(Pak) కవ్వింపు చర్యల నేపథ్యంలో ఉద్రిక్తతలు కొనసాగే అవకాశాలున్నాయి.
- యుద్ధాన్ని అపడానికి రష్యా, ఉక్రెయిన్(Ukraine) చర్చలకు సిద్ధపడడం, యూఎస్- చైనాల మధ్య ట్రేడ్ అగ్రిమెంట్ కుదిరే అవకాశాలుండడం మార్కెట్కు పాజిటివ్ అంశాలు.
