అక్షరటుడే, వెబ్డెస్క్: గ్లోబల్‌ మార్కెట్లు(Global markets) మిక్స్‌డ్‌గా ఉన్నాయి. గత సెషన్‌లో యూఎస్‌, యూరోపియన్‌ మార్కెట్లు లాభాలతో ముగియగా.. మంగళవారం ఉదయం ఆసియా మార్కెట్లు మిక్స్‌డ్‌గా సాగుతున్నాయి. గిఫ్ట్‌ నిఫ్టీ సైతం నెగెటివ్‌గా ఉంది.
Giftnifty | యూఎస్‌ మార్కెట్లు..
గత సెషన్‌లో నాస్‌డాక్‌(Nasdaq) 0.94 శాతం లాభపడగా.. ఎస్‌అండ్‌పీ 0.47 శాతం లాభపడ్డాయి. డౌజోన్స్‌ ఫ్యూచర్స్‌ 0.05 శాతం లాభంతో సాగుతోంది.
Giftnifty | యూరోప్‌ మార్కెట్లు..
సీఏసీ 0.91 శాతం, డీఏఎక్స్‌ 0.21 శాతం లాభంతో ముగియగా.. ఎఫ్‌టీఎస్‌ఈ 0.07 శాతం నష్టపోయాయి.
Giftnifty | ఆసియా మార్కెట్లు..
ఆసియా మార్కెట్లు మంగళవారం ఉదయం మిక్స్‌డ్‌గా ట్రేడ్‌ అవుతున్నాయి. ఉదయం 8 గంటల సమయంలో కోస్పీ(Kospi) 1.11 శాతం, తైవాన్‌ స్టాక్‌ ఎక్స్ఛేంజ్‌ 0.82 శాతం, నిక్కీ 0.25 శాతం, హాంగ్‌సెంగ్‌ 0.11 శాతం లాభంతో కొనసాగుతున్నాయి. షాంఘై 0.14 శాతం, స్ట్రెయిట్స్‌ టైమ్స్‌ 0.11 శాతం నష్టంతో ఉన్నాయి. గిఫ్ట్‌ నిఫ్టీ(Gift nifty) 0.09 శాతం నష్టంతో ఉంది. దీంతో మన మార్కెట్లు ఈరోజు గ్యాప్‌ డౌన్‌లో ప్రారంభమయ్యే అవకాశాలు కనిపిస్తున్నాయి.
Giftnifty | గమనించాల్సిన అంశాలు..
- ఎఫ్‌ఐఐలు గత సెషన్‌లో నికరంగా రూ. 1,258 కోట్ల విలువైన స్టాక్స్‌ విక్రయించారు. డీఐఐ(DII)లు వరుసగా పదిహేనో సెషన్‌లోనూ నికర కొనుగోలుదారులుగా ఉన్నారు. గత సెషన్‌లో రూ. 1,933 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 1.29 నుంచి 1.08 కు తగ్గింది. విక్స్‌(VIX) 2.72 శాతం పెరిగి 10.40 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 0.36 శాతం పెరిగి 67.67 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 8 పైసలు బలపడి 88.20 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 4.05 శాతం వద్ద, డాలర్‌ ఇండెక్స్‌ 97.25 వద్ద కొనసాగుతున్నాయి.
- భారత్‌, యూఎస్‌ మధ్య మంగళవారం వాణిజ్య చర్చలు జరగనున్నాయి. చైనాతో వాణిజ్య చర్చలు సజావుగా సాగుతున్నాయని అమెరికా అధ్యక్షుడు ట్రంప్‌ పేర్కొన్నారు. ఇలా సానుకూలాంశాలు ఉన్నా.. యూఎస్‌ ఫెడరల్‌(US Fed) రిజర్వ్‌ పాలసీ కోసం ఇన్వెస్టర్లు వేచి చూస్తున్నారు. ఈ నేపథ్యంలో మార్కెట్లు రేంజ్‌ బౌండ్‌లోనే సాగే అవకాశాలు ఉన్నాయి.
