అక్షరటుడే, వెబ్‌డెస్క్‌: Pre Market Analysis గ్లోబల్‌ మార్కెట్లు(Global markets) మిక్స్‌డ్‌గా ఉన్నాయి. శుక్రవారం యూఎస్‌ మార్కెట్లు పాజిటివ్‌గా, యూరోప్‌ మార్కెట్లు మిక్స్‌డ్‌గా ముగియగా.. సోమవారం ఉదయం ప్రధాన ఆసియా మార్కెట్లు మిక్స్‌డ్‌గా కొనసాగుతున్నాయి.
Pre Market Analysis : యూఎస్‌ మార్కెట్లు(US markets)..
వాల్‌స్ట్రీట్‌(Wallstreet)లో జోరు కొనసాగుతోంది. శుక్రవారం ఎస్‌అండ్‌పీ 0.40 శాతం, నాస్‌డాక్‌ 0.24 శాతం పెరిగాయి. సోమవారం ఉదయం డౌజోన్స్‌ ఫ్యూచర్స్‌ సైతం 0.41 శాతం లాభంతో కొనసాగుతోంది.
Pre Market Analysis : యూరోప్‌ మార్కెట్లు(European markets)..
సీఏసీ(CAC) 0.21 శాతం పెరగ్గా.. డీఏఎక్స్‌ 0.32 శాతం, ఎఫ్‌టీఎస్‌ఈ 0.20 శాతం నష్టపోయాయి.
Pre Market Analysis : ఆసియా మార్కెట్లు(Asian markets)..
ప్రధాన ఆసియా మార్కెట్లు సోమవారం ఉదయం మిక్స్‌డ్‌గా ఉన్నాయి. ఉదయం 8.15 గంటల సమయంలో హంగ్‌సెంగ్‌(Hang Seng) 0.67 శాతం, షాంఘై 0.25 శాతం, తైవాన్‌ స్టాక్‌ ఎక్స్ఛేంజ్‌ 0.16 శాతం లాభంతో ఉన్నాయి. నిక్కీ 0.66 శాతం, స్ట్రెయిట్స్‌ టైమ్స్‌ 0.18 శాతం, కోస్పీ 0.02 శాతం నష్టాలతో ట్రేడ్‌ అవుతున్నాయి. గిఫ్ట్‌ నిఫ్టీ(Gift nifty) 0.01 శాతం నష్టంతో కొనసాగుతోంది. ఈ నేపథ్యంలో మన మార్కెట్లు ఫ్లాట్‌గా ప్రారంభమయ్యే అవకాశాలు కనిపిస్తున్నాయి.
Pre Market Analysis : గమనించాల్సిన అంశాలు..
- ఎఫ్‌ఐఐలు వరుసగా ఐదో Trading సెషన్‌లోనూ నికర అమ్మకందారులుగా కొనసాగారు. నికరంగా రూ. 1,979 కోట్ల విలువైన స్టాక్స్‌ విక్రయించారు.
- డీఐఐలు వరుసగా 15వ Trading సెషన్‌లోనూ నికర కొనుగోలుదారులుగా నిలిచారు. నికరంగా రూ. 2,138 కోట్ల విలువైన స్టాక్స్‌ కొనుగోలు చేశారు.
- నిఫ్టీ పుట్‌కాల్‌ రేషియో(PCR) 0.9 నుంచి 0.7 కు తగ్గింది. విక్స్‌(VIX) 5.15 శాతం పెరిగి 11.28కు చేరింది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 0.53 శాతం పెరిగి 68.80 డాలర్ల వద్ద ఉంది. క్రూడ్‌ ఆయిల్‌ ధరలు పెరుగుతుండడం ఆందోళన కలిగిస్తోంది.
- డాలర్‌తో రూపాయి మారకం విలువ 10 పైసలు బలహీనపడి 86.52 వద్ద నిలిచింది.
యూఎస్‌ పదేళ్ల బాండ్‌ ఈల్డ్‌ 4.40 శాతం వద్ద, డాలర్‌ ఇండెక్స్‌ 97.64 వద్ద కొనసాగుతున్నాయి. ఈ వారంలో అమెరికా ఫెడరల్‌ రిజర్వ్‌ సమావేశం ఉంది. తమతో వాణిజ్య ఒప్పందాల విషయంలో చివరి గడువును ఆగస్టు 1గా ట్రంప్‌ నిర్ణయించారు. ఈ గడువు సమీపిస్తుండడంతో ఇన్వెస్టర్లు ఆచితూచి వ్యవహరించే అవకాశాలున్నాయి.