అక్షరటుడే, ఆర్మూర్: Armoor | ఆర్మూర్ ఆర్టీసీ డిపో (Armoor RTC depot) పరిధిలో ప్రయాణికులకు గిఫ్ట్ స్కీంను ఏర్పాటు చేసినట్లు డీఎం రవికుమార్ తెలిపారు. ఈ మేరకు శుక్రవారం ప్రకటన విడుదల చేశారు.
ఈనెల 27 నుండి అక్టోబర్ 6 వరకు సెమి డీలక్స్, డీలక్స్, సూపర్ లగ్జరీ, లహరి, రాజధాని బస్సులో ప్రయాణం ముగిసిన తర్వాత ప్రయాణికులు టికెట్ వెనకాల పేరు, అడ్రస్, ఫోన్ నెంబర్ రాసి బస్టాండ్లో ఏర్పాటు చేసిన లక్కీడ్రా బాక్స్లో (lucky draw box) వేయాలని తెలిపారు. అక్టోబర్ 8న లక్కీ డ్రా ద్వారా ముగ్గురు విజేతలను ఎంపిక చేస్తామన్నారు. మొదటి బహుమతిగా రూ.25 వేలు, రెండో బహుమతిగా రూ.15వేలు, మూడో బహుమతి గా రూ.10వేల నగదును చెక్కు రూపంలో అందించడం జరుగుతుందన్నారు. ఈ అవకాశాన్ని ప్రయాణికులు స్వాధీనం చేసుకోవాలని డీఎం కోరారు.
