అక్షరటుడే, వెబ్డెస్క్: గ్లోబల్‌ మార్కెట్లు(Global markets) పాజిటివ్‌గా కనిపిస్తున్నాయి. సోమవారం వాల్‌స్ట్రీట్‌(Wallstreet), యూరోప్‌ మార్కెట్లు లాభాలతో ముగిశాయి. మంగళవారం ప్రధాన ఆసియా మార్కెట్లు సైతం లాభాలతో కొనసాగుతున్నాయి. గత ట్రేడింగ్‌ సెషన్‌లో యూఎస్‌కు చెందిన ఎస్‌అండ్‌పీ(S&P) 0.9 శాతం, నాస్‌డాక్‌ 0.02 శాతం లాభంతో ముగిశాయి. మంగళవారం డౌజోన్స్‌ ఫ్యూచర్స్‌(Dow Jones Futures) మాత్రం 0.05 శాతం నష్టంతో కొనసాగుతోంది.
PRE MARKET ANALYSIS | యూరోప్‌ మార్కెట్లు..
జర్మనీ స్టాక్‌ ఎక్స్ఛేంజ్‌ డీఏఎక్స్‌(DAX) 0.70 శాతం, యూకేకు చెందిన ఎఫ్‌టీఎస్‌ఈ 0.17 శాతం లాభపడ్డాయి. ఫ్రాన్స్‌కు చెందిన సీఏసీ 0.04 శాతం నష్టపోయింది.
PRE MARKET ANALYSIS | ఆసియా మార్కెట్లలో ర్యాలీ..
ప్రధాన ఆసియా మార్కెట్లు(Asia markets) మంగళవారం లాభాలతో ట్రేడ్‌ అవుతున్నాయి. ఉదయం 8.30 గంటల ప్రాంతంలో హాంగ్‌కాంగ్‌(Hong Kong)కు చెందిన హంగ్‌సెంగ్‌ 0.74 శాతం, జపాన్‌కు చెందిన నిక్కీ 0.51 శాతం లాభాలతో ఉండగా.. తైవాన్‌ స్టాక్‌ ఎక్స్ఛ్‌ంజ్‌ 0.58 శాతం, కోస్పీ 0.25 శాతం, సింగపూర్‌ స్టాక్‌ ఎక్స్ఛేంజ్‌ స్ట్రెయిట్‌ టైమ్స్‌ 0.22 శాతం, చైనా(China)కు చెందిన షాంఘై 0.14 శాతం లాభాలతో కదలాడుతున్నాయి. గిఫ్ట్‌ నిఫ్టీ(Gift nifty) 0.34 శాతం లాభంతో కొనసాగుతుండడంతో మన మార్కెట్లు కూడా పాజిటివ్‌గా ప్రారంభమయ్యే అవకాశాలు కనిపిస్తున్నాయి.
గమనించాల్సిన అంశాలు..
- గత ట్రేడింగ్‌ సెషన్‌లో ఇన్‌స్టిట్యూషనల్‌ ఇన్వెస్టర్లు నెట్‌ సెల్లర్లు(Net sellers)గా మారారు. ఎఫ్‌ఐఐలు నికరంగా రూ. 526 కోట్ల విలువైన స్టాక్స్‌ విక్రయించగా.. డీఐఐలు నికరంగా రూ. 238 కోట్ల విలువైన స్టాక్స్‌ అమ్మారు.
- యూఎస్‌, ఇరాన్‌ మధ్య అణుచర్చల్లో ముందడుగు పడడం లేదు. దీంతో క్రూడ్‌ ఆయిల్‌(Crude oil) ధర పెరుగుతూ వస్తోంది. సోమవారం బ్యారెల్‌కు 0.11 శాతం పెరిగి 62.20 డాలర్లకు చేరింది.
- డాలర్‌తో రూపాయి మారకం విలువ 12 పైసలు బలపడి 85.40 కి చేరింది.
- యూఎస్‌ పదేళ్ల బాండ్‌ ఈల్డ్‌ 0.02 శాతం తగ్గి 4.45 వద్ద ఉంది. యూఎస్‌ డాలర్‌ ఇండెక్స్‌ 0.04 శాతం తగ్గి 100.39 వద్ద నిలిచింది.
- పలు దేశాలలో కోవిడ్‌(Covid) కేసులు పెరుగుతున్నాయి. మన దేశంలో 257 యాక్టివ్‌ కేసులున్నాయి. కేరళ, తమిళనాడు, మహారాష్ట్రలలో ఈ కేసులు నమోదయ్యాయి.
- నిఫ్టీ పుట్‌కాల్‌ రేషియో(PCR) 0.97 నుంచి 0.82కు తగ్గింది. విక్స్‌ 4.86 శాతం పెరిగి 17.36 వద్ద ఉంది. పీసీఆర్‌ తగ్గడం, విక్స్‌(VIX) పెరగడం బుల్స్‌కు ప్రతికూలం.
