అక్షరటుడే, వెబ్డెస్క్: GHMC Employees | దసరా పండుగ సందర్భంగా తెలంగాణ ప్రభుత్వం (Telangana Government) ఉద్యోగుల కోసం ఒక మంచి నిర్ణయం తీసుకుంది. ముఖ్యంగా జీహెచ్ఎంసీ పరిధిలో పని చేసే సిబ్బందికి ఇది నిజమైన పండుగని తీసుకొచ్చింది.
జీహెచ్ఎంసీ పారిశుధ్య కార్మికులు, పర్మినెంట్ ఉద్యోగులు పనిచేసే సమయంలో ప్రమాదాలు ఎదుర్కొంటున్నారు. కొంతమంది రోడ్డు ప్రమాదాల్లో మరణిస్తున్నారు. ఈ విషయాలను గమనించిన జీహెచ్ఎంసీ తాజాగా ప్రమాద బీమా (Accident Insurance) సౌకర్యాన్ని అందించే నిర్ణయం తీసుకుంది.
GHMC Employees | ఎంత బీమా వర్తించనుంది?
- జీతం ఆధారంగా ఉద్యోగులకు ఈ బీమా వర్తించనుంది
- జీతం రూ.25,000 వరకు ఉన్న వారికి – రూ.30 లక్షలు బీమా
- రూ.25,000 – రూ.75,000 మధ్య జీతం ఉంటే – రూ.50 లక్షలు బీమా
- రూ.75,000 – రూ.1.5 లక్షల వరకు జీతం ఉంటే – రూ. కోటి బీమా
- రూ.1.5 లక్షలకుపైగా జీతం ఉంటే – రూ.1.25 కోట్లు బీమా
- విమాన ప్రమాదం వలన మరణిస్తే – రెట్టింపు బీమా లభిస్తుంది
- శాశ్వత అంగ వైకల్యం పొందితే – సగం బీమా అందుతుంది
ఈ బీమా కోసం పంజాబ్ నేషనల్ బ్యాంకుతో (Punjab National Bank) జీహెచ్ఎంసీ ఒప్పందం చేసుకుంది. సింగరేణిలో ఉన్న బీమా విధానాన్ని ఆధారంగా తీసుకుని, జీహెచ్ఎంసీ (GHMC) కూడా అదే రకంగా ముందుకు వెళ్లాలని నిర్ణయించింది. గణేశ్ నిమజ్జన వేళ ఓ వాహనం ఢీకొనడంతో కార్మికురాలు రేణుక మృతి చెందింది. అటువంటి ఘటనలు మళ్లీ జరగకుండా ఉండాలన్నదే జీహెచ్ఎంసీ ఉద్దేశం. కార్మికులు ఆరోగ్యంగా, భద్రంగా ఉండాలన్న ఆలోచనతో ఈ చర్య తీసుకున్నామని కమిషనర్ ఆర్వీ కర్ణన్ తెలిపారు. ఈ బీమా సదుపాయం వల్ల ఉద్యోగులకు ఎంతైనా ఆర్థిక భద్రత లభిస్తుంది. ఒక్కో ఉద్యోగికి (GHMC Employees) రూ.30 లక్షల నుంచి రూ.1.25 కోటి వరకూ లబ్ధి కలిగే అవకాశం ఉంది. ముఖ్యంగా తక్కువ వేతనం పొందే కార్మికులకు ఇది చాలా ఉపయోగపడుతుంది. దసరా వేళ తీసుకున్న ఈ నిర్ణయం నిజంగా ఉద్యోగులకు పండుగ వంటిదే! ఇలాంటి ప్రజా ప్రయోజనాత్మక నిర్ణయాలు ఇంకా కొనసాగాలని ప్రజలు ఆశిస్తున్నారు.
