అక్షరటుడే, వెబ్డెస్క్: GeoSpy AI | ఆర్టిఫిషియల్ ఇంటెలిజెన్స్ (Artificial Intelligence – AI) వినియోగం పెరిగాక ప్రతి విషయం తెలుసుకోవడంలో స్పష్టత మరింత పెరిగింది. కృత్రిమ మేధస్సుతో సమస్యకు చిటికెలో పరిష్కారం లభిస్తోంది. డేటా – అల్గారిథమ్ ద్వారా.. ఇది సాధ్యమవుతోంది.
GeoSpy AI | డేటా విశ్లేషణ
తాజాగా మరో కొత్త ఏఐ టెక్నాలజీ అందుబాటులోకి వచ్చింది. జియో స్పై AI అనే సృజనాత్మక ఆర్టిఫిషియల్ ఇంటెలిజెన్స్ వేదిక అందుబాటులోకి వచ్చింది. ఎంబెడెడ్ మెటాడేటాపై ఆధారపడే సంప్రదాయాన్ని ఇక పక్కనబెట్టాల్సిందే. ఎందుకంటే జియోస్పై AIలో ఒక ఫొటో అప్లోడ్ చేస్తే.. ఆ చిత్రం ఎక్కడ తీశారో స్పష్టంగా అంచనా వేయగలదు.. కొన్ని సందర్భాల్లో కచ్చితంగానూ గుర్తించగలదు.
ఈ జియో స్పై AI వ్యవస్థ రోడ్ లేఅవుట్లు Road layouts, ఆర్కిటెక్చర్ architecture, వృక్షసంపద vegetation, సంకేతాలు signs, పట్టణ రూపకల్పన నమూనాల urban design patterns వంటివాటిని విశ్లేషిస్తుంది. ఈ అంశాలను చిత్ర డేటాసెట్లతో సరిపోల్చడం ద్వారా.. GPS ట్యాగ్లు అవసరం లేకుండా భౌగోళిక స్థానాలను నిర్ధారించగలదు.
