అక్షరటుడే, వెబ్డెస్క్: Exercise | యోగా(Yoga) సాధన శారీరక దృఢత్వంతోపాటు మానసిక ప్రశాంతత ఇస్తుంది. నిత్యం యోగా చేస్తే చాలా రకాల ఆరోగ్య సమస్యలు (Health issues) దూరమవుతాయి. అయితే యోగాసనాలు వేసే ముందు తప్పనిసరిగా సూక్ష్మ్ష వ్యాయామాలు చేయాలని యోగా గురువులు (Yoga Instructors) సూచిస్తున్నారు. చిన్నచిన్న వ్యాయామాలు (Exercises) చేయడం వల్ల యోగా సాధన చేయడానికి మన శరీరం అనుకూలంగా మారుతుందన్నది వీరి ఉద్దేశం.
Yoga | సూక్ష్మ వ్యాయామాలు..
నిటారు(Straight)గా నిలబడాలి. పిడికిళ్లు బిగించి ఛాతీకి ఆనించాలి. ఆ తర్వాత మడమలు పిరుదులను తాకేలా జాగింగ్ (Jogging) చేయాలి. మెల్లిగా ప్రారంభించి క్రమంగా వేగం పెంచుతూ ఈ ప్రక్రియ కొంతసేపు సాగించాలి. తర్వాత మోకాళ్లను ముందుకు తీసుకువస్తూ ఛాతీని తాకిస్తూ జాగింగ్ కంటిన్యూ చేయాలి. ఇలా కొంతసేపు చేశాక కాసేపు విరామం(Relax) ఇవ్వాలి.
అనంతరం కాళ్లు, వేళ్లను ఫ్లెక్సిబుల్గా మార్చేందుకు సూక్ష్మ వ్యాయామం చేయాలి. నిటారుగా నిలబడి శరరం బరువును కాలి వేళ్లపై ఉంచుతూ మడమలను పైకి కిందికి ఆడించాలి. తర్వాత మోకాళ్ల వద్ద వంచకుండా వీలైనంత ముందుకు, వెనక్కి ఆడించాలి.
భుజాలను కదలించడం, నడుమును ముందుకు వెనక్కి, పక్కలకు వంచడం, తలను అటూ ఇటూ కదిలించడం, గుండ్రంగా తిప్పడం చేయాలి. ఇలా సూక్ష్మ వ్యాయామాలు చేశాక చివరిగా బ్రీతింగ్ ఎక్సర్సైజ్ (శ్వాసకు సంబంధించిన వ్యాయామం) చేసి యోగాను ప్రారంభించాలి. యోగా అయినా, సూక్ష్మ వ్యాయామాలైనా శ్వాస(Breath)పై దృష్టి సారించి చేయాల్సి ఉంటుంది. గురువు ద్వారా నేర్చుకుని సాధన చేస్తే మంచి ఫలితాలు సాధించవచ్చు.
