అక్షరటుడే, నిజామాబాద్సిటీ: Nizamabad Police | నకిలీ బంగారం అమ్ముతూ అమాయకులను మోసం చేస్తున్న ముఠా గుట్టురట్టు చేశారు పోలీసులు. ఈ మేరకు నిజామాబాద్ ఏసీపీ రాజా వెంకట్రెడ్డి (ACP Raja Venkat Reddy) విలేకరుల సమావేశం ఏర్పాటు చేసి వివరాలు వెల్లడించారు.
ఆంధ్రప్రదేశ్లోని (Andhra Pradesh) గుంటూరు (Guntur) ప్రాంతానికి చెందిన అంజమ్మ లేబర్ పనిచేసుకుంటూ జీవిస్తున్నారు. అయితే నకిలీ బంగారాన్ని అంటగట్టి డబ్బు సంపాదించాలనే కుటిల ఆలోచనతో వారు మూడు నకిలీ బంగారు బిస్కెట్లను నిజామాబాద్కు తీసుకొచ్చారు. నగరంలోని శివాజీనగర్లో ఓ ఇంట్లో అద్దెకు దిగారు. లేబర్ పనిచేసుకుంటూ నకిలీ బంగారం అమ్మే పనిలో పడ్డారు. సీతారాంనగర్కు చెందిన మోర వనితకు చెందిన పాల దుకాణానికి నిత్యం వెళ్తూ ఆమెను మచ్చిక చేసుకున్నారు.
ఆమెకు నకిలీ బంగారు బిస్కెట్ (gold biscuit) చూపించి ఇది 350 గ్రాములు ఉంటుందని.. దీనిని బయట అమ్మితే రూ.35లక్షలు లభిస్తాయని ఆమెను నమ్మించారు. కానీ తమకు రూ.10లక్షలు ఇస్తే చాలని చెప్పారు. చివరకు మోర వనిత రూ.5లక్షలు ఇస్తానని చెప్పగా ఆమె దగ్గర నుంచి డబ్బు తీసుకుని నకిలీ బిస్కెట్ ఇచ్చి ఉడాయించారు.
మోర వనిత ఆ బంగారు బిస్కెట్ను తనిఖీ చేయించగా నకిలీదని తేలడంతో తాను మోసపోయానని గుర్తించి ఐదో టౌన్ పోలీసులకు అందజేశారు. కేసు నమోదు చేసుకున్న పోలీసులు విచారించి సదరు ముఠా డిచ్పల్లిలో (dichpally) ఉన్నట్లు గుర్తించారు. నిందితులైన గుంటూరుకు చెందిన తురక శివయ్య, తన్నీరు అంజమ్మ, తన్నీరు అంకమ్మ, తన్నీరు గంగరాజును అరెస్టు చేశారు. వీరి వద్ద నుంచి రూ.5 లక్షల నగదు, 960 గ్రాముల నకిలీ బంగారం (3 Fake Gold Biscuits) స్వాధీనం చేసుకున్నారు. నార్త్ రూరల్ సర్కిల్ ఇన్స్పెక్టర్ శ్రీనివాస్, ఐదో టౌన్ ఎస్సై గంగాధర్ దర్యాప్తు అధికారులుగా వ్యవహరించారు.
