అక్షరటుడే, వెబ్‌డెస్క్‌: Russia : మాస్కో(Moscow) ప్రాంతంలోని కొలోమ్నా జిల్లాలో శనివారం (జూన్ 28) తేలికపాటి శిక్షణ విమానం కూలిపోవడంతో సిబ్బంది, శిక్షణార్థులు సహా నలుగురు దుర్మరణం చెందారు.
Russia : ఏరోబాటిక్ విన్యాసం చేస్తుండగా..
యాకోవ్లెవ్ యాక్-18T విమానం (Yakovlev Yak-18T aircraft) ఏరోబాటిక్ విన్యాసం చేస్తుండగా ఇంజిన్ విఫలం అయి పొలంలో కూలిపోయి మంటలు చెలరేగాయి. సహాయ బృందం ఘటనా స్థలానికి చేరుకునే లోపే విమానంలోని ఎవరూ ప్రాణాలతో మిగలలేదు.
ప్రమాదానికి కచ్చితమైన కారణంపై దర్యాప్తు కొనసాగుతోంది. అయితే, విమానం టేకాఫ్ సమయంలో అధికారిక అనుమతి ఉండకపోవచ్చని స్థానిక మీడియా కథనం పేర్కొంటోంది. ఈ కథనం పౌర శిక్షణా సౌకర్యాలలో నియంత్రణ, పర్యవేక్షణ, భద్రతా విధానాల లోపాలను ప్రశ్నించింది. కాగా.. ప్రమాదానికి సంబంధించిన పూర్తి వివరాలు తెలియాల్సి ఉంది.
Russia : విస్తృతంగా ఉపయోగించే శిక్షణ విమానం
యాక్-18T అనేది గత సోవియట్ యూనియన్(Soviet Union) అంతటా పైలట్‌లకు శిక్షణ ఇవ్వడానికి ఉపయోగించే విమానం. తాజా ఘటన పైలట్ శిక్షణను ప్రశ్నార్థకం చేసింది.