అక్షరటుడే, మెండోరా: Sriram Sagar | శ్రీరామ్ సాగర్ ప్రాజెక్టులోకి (Sriram Sagar Project) వరద తగ్గుముఖం పట్టింది. మహారాష్ట్రలో వర్షాలు (Maharashtra Rains) తగ్గడం.. జిల్లాలోనూ వర్షాలు అంతంతమాత్రంగానే ఉండడంతో జలాశయంలోకి ప్రస్తుతం వరద ఉధృతి చాలా వరకు తగ్గిపోయింది.
మొన్నటివరకు ప్రాజెక్టులోకి 4 లక్షల క్యూసెక్కుల వరద రాగా.. ప్రస్తుతం లక్ష క్యూసెక్కుల ఇన్ఫ్లో మాత్రమే వస్తోంది. దీంతో 9 గేట్లను ఎత్తి దిగువకు నీటిని వదులుతున్నారు. ప్రాజెక్టు పూర్తి స్థాయి నీటిమట్టం 1,091 అడుగులు (80.5 టీఎంసీలు) కాగా, ప్రస్తుతం 1090.40 అడుగుల (78.57 టీఎంసీలు)కు చేరింది.
Sriram Sagar | కాలువలకు నీటి విడుదల..
అధికారులు 9 గేట్ల ద్వారా 34,772 క్యూసెక్కులు, ఎస్కేప్ గేట్ల ద్వారా 4,000 క్యూసెక్కులు, కాకతీయ కాలువకు (Kakatiya Canal) 4,000, సరస్వతి కాలువకు 650, లక్ష్మీ కాలువకు 200 క్యూసెక్కులు విడుదల చేస్తున్నారు. మిషన్ భగీరథకు 231 క్యూసెక్కులు పంపిస్తుండగా, ఆవిరి రూపంలో సుమారు 691 క్యూసెక్కుల నీరు వెళ్తోంది.
