అక్షరటుడే, వెబ్డెస్క్: Krishna River | ఎగువన కురుస్తున్న వర్షాలతో కృష్ణానది (Krishna River) పరవళ్లు తొక్కుతోంది. కర్ణాటకలోని ప్రాజెక్ట్ల నుంచి భారీగా వదర నదిలో వస్తోంది. దీంతో జూరాల, శ్రీశైలం ప్రాజెక్ట్లకు ఇన్ఫ్లో కొనసాగుతోంది. జూరాల ప్రాజెక్ట్కు (Jurala Project) ఎగువ నుంచి భారీగా వరద వస్తుండగా.. విద్యుత్ ఉత్పత్తి, వరద గేట్ల ద్వారా దిగువకు విడుదల చేస్తున్నారు.
జూరాల, సుంకేశుల జలాశయాల నుంచి శ్రీశైలం డ్యామ్కు (Srisailam Dam) వరద ఉధృతి కొనసాగుతోంది. ప్రస్తుతం జలాశయంలోకి 2,70,640 క్యూసెక్కులు ఇన్ఫ్లో వస్తోంది. ప్రాజెక్ట్ పూర్తిస్థాయి నీటి మట్టం 885 అడుగులు కాగా.. ప్రస్తుతం 882.2 అడుగులకు చేరింది. కుడి, ఎడమ గట్టు విద్యుత్ కేంద్రాల్లో కరెంట్ ఉత్పత్తి చేస్తున్నారు. 8 గేట్లను 10 అడుగులు మేర ఎత్తి దిగువకు నీటిని విడుదల చేస్తున్నారు. దీంతో 2,76,461 క్యూసెక్కుల ఔట్ ఫ్లో నమోదు అవుతోంది.
Krishna River | నాగార్జున సాగర్ 24 గేట్ల ఎత్తివేత
శ్రీశైలం నుంచి వస్తున్న వరదతో నాగార్జున సాగర్ (Nagarjuna Sagar) కళకళలాడుతోంది. ప్రాజెక్ట్కు ఎగువ నుంచి 2,38,629 క్యూసెక్కుల వరద వస్తోంది. ప్రాజెక్ట్ పూర్తిస్థాయి నీటి మట్టం 590 అడుగులు కాగా.. ప్రస్తుతం 585.20 అడుగుల నీరు నిల్వ ఉంది. జలాశయం 24 వరద గేట్లను ఐదు అడుగుల మేర, రెండు గేట్లను పది అడుగులు ఎత్తి దిగువకు నీటిని విడుదల చేస్తున్నారు. జలాశయం నుంచి 2,56,417 క్యూసెక్కులు విడుదల చేస్తున్నారు. పులిచింతల ప్రాజెక్ట్ కూడా నిండడంతో ప్రకాశం బ్యారేజీ మీదుగా నీరు సముద్రంలో కలుస్తుంది.
ఎగువన గోదావరికి వరద రావడం లేదు. కాళేశ్వరం వద్ద మాత్రం ఉప్పొంగి ప్రవహిస్తోంది. ఎగువన శ్రీరాంసాగర్ ప్రాజెక్ట్కు (Sriramsagar Project) ప్రస్తుతం స్వల్ప ఇన్ఫ్లో కొనసాగుతోంది. ఆంధ్రప్రదేశ్లోని ధవళేశ్వరం దగ్గర గోదావరి వరద తగ్గింది. ప్రస్తుతం 175 గేట్ల ద్వారా 3,60,400 క్యూసెక్కుల నీటిని సముద్రంలోకి విడుదల చేస్తున్నారు. మంజీర నదిపై గల సింగూరు జలాశయానికి 2,901 క్యూసెక్కుల ఇన్ఫ్లో వస్తోంది. ప్రాజెక్ట్ పూర్తిస్థాయి నీటినిల్వ సామర్థ్యం 29.917 టీఎంసీలు కాగా.. ప్రస్తుతం 20.514 టీఎంసీల నీరు ఉంది. ఈ ప్రాజెక్ట్ నిండితే.. దిగువకు నీటిని వదలనున్నారు. దీంతో నిజాంసాగర్కు వరద వచ్చే అవకాశం ఉంది. అయితే మంజీర పరీవాహక ప్రాంతంలో భారీ వర్షాలు లేకపోవడంతో ప్రాజెక్ట్కు ఇప్పట్లో భారీ వరద వచ్చే అవకాశం లేదు.