First Aid Clinic | ఫస్ట్​ ఎయిడ్​ సెంటర్లలో కేవలం ప్రథమ చికిత్స చేయాలి

అక్షరటుడే, పెద్దకొడప్​గల్​: First Aid Clinic | మండలంలోని ఫస్ట్​ ఎయిడ్​ సెంటర్లలో పీఎంపీలు ప్రథమ చికిత్స మాత్రమే నిర్వహించాలని పీహెచ్​సీ వైద్యుడు ఉమాకాంత్​ (PHC doctor Umakant) అన్నారు.

మండలంలోని పలు ఫస్ట్​ ఎయిడ్​ క్లినిక్​లను (First Aid Clinic) బుధవారం తనిఖీ చేశారు. అనంతరం ఆయన మాట్లాడుతూ.. పీఎంపీలు ఫస్ట్​ఎయిడ్ కాకుండా గ్లూకోజ్​లు పెట్టడం, వ్యాధి నిర్ధారణ పరీక్షలు నిర్వహించడం సరైంది కాదన్నారు. ఇరుకు గదుల్లో రోగులకు వైద్యం అందిస్తున్నట్లు తమ దృష్టికి వచ్చిందన్నారు. మండల కేంద్రంలోని ఓ ల్యాబ్​కు ప్రభుత్వం నుంచి ఎలాంటి అనుమతి లేదని.. కానీ పీఎంపీల ప్రోత్సాహంతో వ్యాధి నిర్ధారణ చేస్తుండడం సరైంది కాదని ఆయన అన్నారు. తనిఖీ వివరాలను ఉన్నతాధికారులకు నివేదిస్తామని చెప్పారు.