అక్షరటుడే, వెబ్డెస్క్ : ACB Case | మరో అవినీతి అధికారి ఏసీబీ వలకు చిక్కాడు. టపాసుల (Crackers) దుకాణం ఏర్పాటు చేయడానికి లంచం అడిగిన అధికారి రెడ్ హ్యాండెడ్గా దొరికిపోయాడు.
దీపావళి సమీపిస్తుండటంతో చాలా ప్రాంతాల్లో వ్యాపారులు తాత్కాలిక టపాసుల దుకాణాలు ఏర్పాటు చేసుకుంటున్నారు. ఈ దుకాణాల ఏర్పాటుకు పలు నిబంధనలు పాటించాలి. వీటిని ఆసరాగా చేసుకొని అధికారులు లంచాలు అడుగుతున్నారు. డబ్బులు ఇస్తేనే దుకాణం ఏర్పాటు చేసుకోవడానికి అనుమతి ఇస్తున్నారు. నల్లగొండ ఫైర్ స్టేషన్ (Nalgonda Fire station) అధికారి ఎ సత్యనారాయణ రెడ్డిని గురువారం ఏసీబీ అధికారులు పట్టుకున్నారు.
ఓ వ్యక్తి బాణసంచా దుకాణం నడపుకోవడానికి తాత్కాలిక లైసెన్స్ కోసం దరఖాస్తు చేసుకున్నాడు. ఆ దరఖాస్తును ప్రాసెస్ చేసి నో ఆబ్జెక్షన్ సర్టిఫికెట్ ఇవ్వడానికి సత్యనారాయణరెడ్డి రూ.8 వేల లంచం అడిగాడు. దీంతో బాధితుడు ఏసీబీ అధికారులకు సమాచారం అందించాడు. ఈ క్రమంలో గురువారం ఫైర్ స్టేషన్ అధికారి డబ్బులు తీసుకుంటుండగా.. ఏసీబీ అధికారులు పట్టుకున్నారు.
ACB Case | లంచం ఇవ్వొద్దు
ప్రజలు అధికారులకు లంచాలు ఇవ్వొద్దని ఏసీబీ అధికారులు సూచిస్తున్నారు. ఎవరైనా లంచం అడిగితే భయపడకుండా ఏసీబీకి ఫోన్ చేయాలని చెబుతున్నారు. 1064 టోల్ ఫ్రీ నంబర్ (ACB Toll Free Number), వాట్సాప్ నంబర్ 9440446106కు సమాచారం అందిస్తే అవినీతి అధికారుల పని పడతామని భరోసా ఇస్తున్నారు.ఎంత మొత్తం లంచం అడిగినా.. వస్తు రూపంలో బహుమతులు అడిగినా తమకు ఫిర్యాదు చేయాలని కోరుతున్నారు.
