Nizamabad City | బైక్​లో చెలరేగిన మంటలు.. తప్పిన పెద్ద ప్రమాదం

అక్షరటుడే, నిజామాబాద్​ క్రైం: Nizamabad City | నగరంలోని పులాంగ్​ వద్ద బైక్​లో మంటలు చెలరేగాయి. ఈ ఘటనలో బైక్​పై వెళ్తున్న వ్యక్తి అప్రమత్తంగా వ్యవహరించడంతో పెద్ద ప్రమాదం తప్పింది.

వివరాల్లోకి వెళ్తే.. పులాంగ్​ ప్రాంతంలోని వంశీ ఇంటర్నేషనల్​ (Vamsi International) ఎదురుగా ఉన్న పెట్రోల్​ బంక్​లో నుంచి ఓ వ్యక్తి బైక్​పై బయటకు వస్తూ రోడ్డుపై వెళ్తున్న బైక్​ను ఢీకొట్టాడు. ఈ ఘటనలో రోడ్డుపై వెళ్తున్న బైక్​లో ఒక్కసారిగా మంటలు చెలరేగాయి. దీంతో బైక్​పైన ఉన్న వ్యక్తి పక్కకు దూకేశాడు. అనంతరం అప్రమత్తమైన పెట్రోల్​ బంక్​ సిబ్బంది అగ్నిమాపక యంత్రం ద్వారా మంటలను ఆర్పివేశారు. ఈ ఘటనతో కొద్దిసేపు ఆ ప్రాంతంలో ట్రాఫిక్​ స్తంభించింది.