అక్షరటుడే, న్యూఢిల్లీ: Feb 20 Pre Market Analysis | మధ్యప్రాచ్యంలో పెరుగుతున్న ఉద్రిక్తతలు ఇన్వెస్టర్ల సెంటిమెంట్ను దెబ్బతీస్తున్నాయి. ఇరాన్పై యూఎస్ దాడి చేయవచ్చన్న అంచనాలతో మదుపరులు లాభాల స్వీకరణకు ప్రాధాన్యత ఇవ్వడంతో గ్లోబల్ మార్కెట్లు ఎక్కువగా నష్టాలతో ట్రేడ్ అవుతున్నాయి. అయితే గత సెషన్లో భారీ అమ్మకాల ఒత్తిడికి గురైన భారత మార్కెట్లు మాత్రం స్పల్ప ఊరట ర్యాలీకి సిద్ధంగా ఉన్నాయని గిఫ్ట్ నిఫ్టీ సూచిస్తోంది.
Feb 20 Pre Market Analysis | యూఎస్ మార్కెట్లు..
వాల్మార్ట్, ఆపిల్ వంటి కంపెనీలలో బలహీనత కారణంగా గత సెషన్లో వాల్స్ట్రీట్ నష్టాలతో ముగిసింది. నాస్డాక్ 0.36 శాతం, ఎస్అండ్ పీ 0.28 శాతం పడిపోయాయి. శుక్రవారం ఉదయం డౌజోన్స్ ఫ్యూచర్స్ 0.08 శాతం లాభంతో ఉంది.
Feb 20 Pre Market Analysis | యూరోప్ మార్కెట్లు..
డీఏఎక్స్(DAX) 0.94 శాతం, ఎఫ్టీఎస్ఈ 0.56 శాతం, సీఏసీ 0.36 శాతం నష్టపోయాయి.
Feb 20 Pre Market Analysis | ఆసియా మార్కెట్లు..
ప్రధాన ఆసియా మార్కెట్లు నష్టాలతో సాగుతున్నాయి. ఉదయం 8 గంటల ప్రాంతంలో సౌత్ కొరియాకు చెందిన కోస్పీ 1.46 శాతం, సింగపూర్కు చెందిన స్ట్రెయిట్ టైమ్స్ 0.05 శాతం లాభాలతో, జపాన్కు చెందిన నిక్కీ 1.27 శాతం, హాంగ్కాంగ్కు చెందిన హాంగ్సెంగ్ 0.97 శాతం నష్టాలతో సాగుతున్నాయి. గిఫ్ట్ నిఫ్టీ 0.09 శాతం లాభంతో ఉంది. ఈ నేపథ్యంలో మన మార్కెట్లు ఫ్లాట్ టు గ్యాప్ ఆప్లో ప్రారంభం అయ్యే అవకాశాలున్నాయి.
గమనించాల్సిన అంశాలు..
- ఎఫ్ఐఐలు గత సెషన్లో నికరంగా రూ. 889.49 కోట్ల విలువైన స్టాక్స్ విక్రయించారు.
- డీఐఐలు నికరంగా రూ. 596.28 కోట్ల విలువైన స్టాక్స్ అమ్మారు.
- నిఫ్టీ పుట్కాల్ రేషియో(PCR) 1.22 నుంచి 0.7 కు పడిపోయింది.
- విక్స్ 10.12 శాతం పెరిగి 13.46 వద్ద ఉంది.
- డాలర్తో రూపాయి మారకం విలువ 90.67 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 71.87 డాలర్లకు చేరింది.
- అమెరికా-ఇరాన్ సంబంధాల చుట్టూ జరుగుతున్న పరిణామాలను మార్కెట్ నిశితంగా గమనిస్తోంది. వారాంతంలో అమెరికా-ఇరాన్ ఉద్రిక్తతలు మరింత పెరిగే అవకాశం ఉందని అంచనా వేస్తూ మార్కెట్ భాగస్వాములు తమ డబ్బును వెనక్కి తీసుకుంటున్నారని నిపుణులు అభిప్రాయపడుతున్నారు.
- చైనా, తైవాన్లలో నూతన సంవత్సరం సెలవుల కారణంగా అక్కడి స్టాక్ మార్కెట్లు మూసి ఉన్నాయి.
