అక్షరటుడే, వెబ్డెస్క్: Feb 08 Horoscope | గ్రహాల గమనం ప్రకారం నేడు (ఆదివారం, ఫిబ్రవరి 08) ఆర్థికంగా లాభాలను సూచిస్తున్నప్పటికీ.. కొన్ని ప్రతికూల పరిస్థితులు కూడా ఎదురుకావచ్చు. నిర్లక్ష్యం వల్ల పలు రాశుల వారికి ఆరోగ్య సమస్యలు తలెత్తే ప్రమాదం ఉంది. చాలా రాశుల వారు అలవాట్ల విషయంలో జాగ్రత్తగా ఉండటం, ప్రతికూల ఆలోచనలకు దూరంగా ఉండటం చాలా ముఖ్యం.
మేష రాశి: Feb 08 Horoscope | గ్రహాల అనుకూలత వల్ల డబ్బుకు కొరత ఉండదు. ఆర్థిక లాభాలు పొందే సూచనలు ఉన్నాయి. పిల్లల పురోగతి, వారి విజయాల వల్ల సంతోషం కలుగుతుంది. పెండింగులో ఉన్న పనుల వల్ల ఆఫీసులో పై అధికారుల కోపానికి గురికావాల్సి రావచ్చు.
వృషభ రాశి: Feb 08 Horoscope | ఇవాళ మీకు మిశ్రమ ఫలితాలు ఉంటాయి. శారీరక ఆరోగ్యంపై దృష్టి సారించడం అవసరం. అవసరంలో ఉన్న వారికి ధన సహాయం, అప్పు ఇచ్చే అవకాశం ఉంది.
మిథున రాశి: Feb 08 Horoscope | వ్యాపారస్తులకు ఇవాళ అద్భుతంగా ఉంటుంది. లాభాలు పెరగడమే కాకుండా, వ్యాపారాన్ని మరింత విస్తరింపజేస్తారు. బంధువులు, భాగస్వామి నుంచి అందే ఒక మంచి వార్త కొత్త ఉత్సాహాన్ని నింపుతుంది.
కర్కాటక రాశి: Feb 08 Horoscope | పర్యావరణానికి సంబంధించిన రంగాలలో, భూములలో పెట్టుబడి పెడితే మంచి లాభాలు వచ్చే అవకాశం ఉంది. ఇవాళ మీ వ్యక్తిత్వానికి మంచి గుర్తింపు లభిస్తుంది. గత కొంతకాలంగా ఎదుర్కొంటున్న సమస్యలు తొలగిపోయి, ఎంతో సంతోషంగా గడుపుతారు.
సింహ రాశి: ప్రయాణాలు కొంచెం అలసటను, ఒత్తిడిని కలిగించినప్పటికీ.. ఆర్థికంగా లాభదాయకంగా ఉంటాయి. ఫంక్షన్లకు, సామాజిక కార్యక్రమాలకు హాజరవుతారు. దీనివల్ల సమాజంలో ప్రభావం ఉన్న వ్యక్తులతో పరిచయాలు ఏర్పడే అవకాశం ఉంది. అకస్మాత్తుగా వచ్చే ఒక మెసేజ్, వార్త ఎంతో ఆనందాన్ని ఇస్తుంది.
కన్యా రాశి: సరైన సమయంలో డబ్బు అందకపోవడం వల్ల ఇంట్లో చిన్నపాటి మనస్పర్థలు రావచ్చు. గతంలో మీతో విభేదించి విడిపోయిన వ్యక్తులు ఎదురయ్యే అవకాశం ఉంది. కుటుంబ సభ్యులతో చిన్నపాటి ఘర్షణలు జరిగే ఛాన్స్ ఉంది. కాబట్టి సాధ్యమైనంత వరకు గొడవలకు దూరంగా ఉండటానికి ప్రయత్నించండి.
తులా రాశి: విదేశీ సంబంధాలు ఉన్న వ్యాపారస్తులకు, ట్రేడింగ్ చేసే వారికి కొంత ధననష్టం కలిగే అవకాశం ఉంది. బంధువులు, స్నేహితుల నుంచి అనుకోని కానుకలు అందుతాయి. కొత్త ఉత్సాహాన్ని నింపే ఒక వినోద యాత్రకు వెళ్లే అవకాశం ఉంది.
వృశ్చిక రాశి: ఆత్మవిశ్వాసం రెట్టింపు అవుతుంది. పనుల ఒత్తిడి ఉన్నప్పటికీ శక్తివంతంగా వ్యవహరిస్తారు. గతంలో ఇచ్చిన అప్పు, రావాల్సిన బాకీ చేతికి అందుతుంది. ఒక పెద్ద సమస్య నుంచి బయటపడటానికి సన్నిహిత మిత్రుడు సహాయం చేస్తారు.
ధనుస్సు రాశి: ఆరోగ్యాన్ని అస్సలు నిర్లక్ష్యం చేయకండి. ఆధ్యాత్మిక సేవా కార్యక్రమాల కోసం ధనాన్ని ఖర్చు చేస్తారు. ఇది ఎంతో మనశ్శాంతిని, తృప్తిని ఇస్తుంది. మీ అవసరాలను తీర్చడంలో కుటుంబ సభ్యులు మీకు అండగా నిలుస్తారు. వారి సహాయ సహకారాలు ధైర్యాన్ని ఇస్తాయి. ఈ మంచి గుణం వల్ల అందరి దృష్టిలో ఒక గొప్ప వ్యక్తిగా గుర్తింపు పొందుతారు.
మకర రాశి: ఊహించని వ్యక్తుల నుంచి ధనలాభం కలుగుతుంది. దీనివల్ల మీ ఆర్థిక ఇబ్బందులు చాలా వరకు తొలగిపోతాయి. వ్యక్తిగత విషయాల్లో కొంత ఓపిక అవసరం. ఆరోగ్యం పట్ల అజాగ్రత్తగా ఉండకండి.
కుంభ రాశి: చిన్న తరహా వ్యాపారాలు చేసే వారికి తమ సన్నిహితుల సలహాల వల్ల మంచి ఆర్థిక లాభాలు కలుగుతాయి. ఎప్పటి నుంచో ఉన్న తగాదాలు, మనస్పర్థలను పరిష్కరించుకుంటారు. అవసరంలో ఉన్న వారికి సహాయం చేసే గుణం వల్ల సమాజంలో గౌరవం పెరుగుతుంది.
మీన రాశి: ఇవాళ ఎంతో ఆహ్లాదకరంగా ఉండబోతోంది. మీ మాట తీరుతో ఇతరులను ప్రభావితం చేస్తారు. కొంతకాలంగా వేధిస్తున్న ఆర్థిక సమస్యలు ఈరోజు స్నేహితుల సహాయంతో ఒక కొలిక్కి వస్తాయి. అంతగా పరిచయం లేని వ్యక్తులకు దూరంగా ఉండటం మంచిది.
