అక్షరటుడే, వెబ్డెస్క్ : UPI | ఒకప్పుడు బయటకు వెళ్తే జేబులో పర్సు ఉందా.. అందులో డబ్బులు ఉన్నాయా? అని చెక్ చేసుకునే వాళ్లం. ప్రస్తుతం స్మార్ట్ ఫోన్ ఉందా.. లేదా? అని చూసుకుంటున్నాం. పర్సు లేకున్నా.. నగదు లేకున్నా.. యూపీఐ phone pay, google pay ద్వారా పేమెంట్లు చేస్తున్నాం. ప్రస్తుతం వీధి వ్యాపారుల నుంచి పెద్ద పెద్ద మాల్స్ వరకు అన్నింట్లో యూపీఐ యాక్సెప్ట్ చేస్తున్నారు. దీంతో ప్రజలు ఎక్కువ శాతం తమ లావాదేవీలను యూపీఐ upi ద్వారానే చేస్తున్నారు.
UPI | ఆదా కానున్న సమయం
యూపీఐ ద్వారా లావాదేవి చేస్తే అది పూర్తి కావడానికి 30 సెకన్లు పడుతోంది. మనం క్యూ ఆర్ కోడ్ స్కాన్ చేసి, సక్సెన్ అని వచ్చాక దుకాణదారుడికి చూపిస్తాం. అయితే ఈ ప్రాసెస్ పూర్తి కావడానికి ప్రస్తుతం 30 సెకన్లు పడుతుండగా దానికి 15 సెకన్లకు తగ్గించాలని నేషనల్‌ పేమెంట్స్‌ కార్పొరేషన్‌ ఆదేశాలు జారీ చేసింది.
UPI | ఎప్పటి నుంచంటే..
వినియోగదారుల సమయం ఆదా చేయడానికి లావాదేవీల సమయం తగ్గిస్తూ ఎన్పీసీఐ ఉత్తర్వులు జారీ చేసింది. ఈ ఆదేశాలు జూన్ 16 నుంచి అమలులోకి రానున్నాయి. అంతేగాకుండా మిగతా లావాదేవీల సమయం కూడా తగ్గించాలని సూచించింది. ట్రాన్జాక్షన్‌ స్టేటస్‌, ట్రాన్జాక్షన్‌ రివర్సల్‌, అడ్రస్‌ వ్యాలిడేషన్‌ సమయం కూడా 30 సెకన్ల నుంచి 10 సెకన్లకు తగ్గనుంది.
