అక్షరటుడే, న్యూఢిల్లీ: FASTag | ఫాస్టాగ్ వినియోగదారులకు న్యూ ఇయర్ సందర్భంగా కేంద్ర ప్రభుత్వం భారీ రిలీఫ్ను కల్పించింది. జీపులు, కార్లు, వ్యాన్లకు వినియోగించే ఫాస్టాగ్ విషయంలో నో యువర్ వెహికిల్(KYV)ను రద్దు చేసింఇ. ఈ మేరకు నేషనల్ హైవేస్ అథారిటీ ఆఫ్ ఇండియా(NHAI) నిర్ణయం వెలువర్చింది. ఈ నిర్ణయం ఫిబ్రవరి 1 నుంచి అమల్లోకి తీసుకురానున్నట్లు ప్రకటించింది.
ఫాస్టాగ్ యాక్టివేషన్ అయ్యాక.. డాక్యుమెంట్ వెరిఫికేషన్, బ్యాంకు ఫాలో-అప్ విషయంలో ఎంతో మంది వాహనదారులు తీవ్ర అసౌకర్యానికి గురవుతున్నారు. ఈ నేపథ్యంలోనే లైట్ మోటార్ వెహికిల్ (LMV) కేటగిరీలో వాహనాలకు మినహాయింపు ఇచ్చేందుకు నేషనల్ హైవేస్ అథారిటీ ఆఫ్ ఇండియా ముందుకొచ్చింది.
FASTag | ఫాస్టాగ్ ప్రీ-యాక్టివేట్
అన్ని వివరాలు ఇచ్చిన సమర్పించిన తర్వాతనే వాహనాలకు ఫాస్టాగ్ FASTag ప్రీ-యాక్టివేట్ ఉంటుందని ఎన్హెచ్ఏఐ తెలిపింది. ఇప్పటికే వాహనాలకు జారీ చేసిన ఫాస్టాగ్లకు సైతం కేవేవీ ప్రక్రియ అవసరం లేదని పేర్కొంది. ఫాస్టాగ్ దుర్వినియోగం, సరిగ్గా అంతికపోవడం వంటి సందర్భాల్లో కేవైవీ అనేది అవసరం ఉంటుందని వివరించింది. తాజా నిర్ణయంతో లక్షలాది మంది వాహనదారులకు ఊరట కలగనుంది.
