అక్షరటుడే, డిచ్​పల్లి/కామారెడ్డి: Telangana University | భారీ వర్షాల నేపథ్యంలో తెలంగాణ విశ్వవిద్యాలయ పరిధిలో జరగాల్సిన పీజీ పరీక్షలను (PG Exams) వాయిదా వేసినట్లు పరీక్షల నియంత్రణ అధికారి ప్రొఫెసర్ సంపత్ కుమార్ పేర్కొన్నారు.

ఈ మేరకు గురువారం ఒక ప్రకటన విడుదల చేశారు. వర్షాల కారణంగా ఈనెల 29, 30వ తేదీల్లో జరిగే పీజీ/బీఎడ్/ఎంఎడ్ పరీక్షలను వాయిదా వేస్తున్నట్లు ఆయన వివరించారు. విద్యార్థులు గమనించాలని సూచించారు.

Telangana University | ఉమ్మడి జిల్లాలో వర్షబీభత్సం

రెండు రోజులుగా కురుస్తున్న వర్షాలు జనజీవనాన్ని (Heavy Rains) స్తంభింపజేశాయి. చాలాచోట్ల రహదారులు తెగిపోయాయి. దీంతో రెండురోజుల కామారెడ్డిలో పాఠశాలలకు సెలవులు ప్రకటించారు. నిజామాబాద్​లో ఒకరోజు సెలవు ఇచ్చారు. అలాగే అధికార యంత్రాంగం మొత్తం అప్రమత్తమై సహాయక చర్యల్లో పాలుపంచుకుంటున్నారు.