అక్షరటుడే, ఆర్మూర్: Armoor | పట్టణంలో రెండురోజుల నుంచి భారీ వర్షం(Heavy Rains) కురిసింది. దీంతో లోతట్టు ప్రాంతాల్లో పూర్తిగా నీటమునిగాయి. పలు కాలనీలోని ఇళ్లలోకి వరద నీరు వచ్చి చేరింది.
భారీ వర్షం కారణంగా కమలా నెహ్రూ కాలనీలో (Kamala Nehru Colony) పక్కనే ఉన్న కొండ నుంచి భారీ బండరాయి జారుకుంటూ వచ్చి ఓ ఇంటిని ఢీకొట్టింది. దీంతో ఇంటి ముందు భాగంలొని గోడ, దర్వాజాలు ధ్వంసం అయ్యాయి.
కొండరాయి జారిపడ్డ సమయంలో ఇంట్లోని తీవ్ర భయాందోళనకు గురయ్యారు. బండరాయి మరింత వేగంగా వచ్చి ఉంటే.. నేరుగా ఇంట్లోకి వెళ్లి బాధితులకు గాయాలయ్యేవని స్థానికులు పేర్కొన్నారు.
స్పందించిన మున్సిపల్ కమిషనర్ రాజు (Armoor Municipal Commissioner Raju) సంఘటనా స్థలానికి చేరుకుని ఆ ఇంట్లోని వారిని పునారవాస కేంద్రానికి తరలించారు. బండరాయిని తొలగింపజేస్తామని కమిషనర్ ఈ సందర్భంగా పేర్కొన్నారు.