EV vehicles | గడ్కరీ సంచలన ప్రకటన.. మరో 4-6 నెలల్లో పెట్రోల్ కార్ల ధరలకే ఈవీ వాహనాలు

1

అక్షరటుడే, న్యూఢిల్లీ: EV vehicles | భారత్​లో రాబోయే 4 – 6 నెలల్లో పెట్రోల్ వాహనాల ధరతో సమానంగా ఎలక్ట్రిక్ వాహనాలు లభిస్తాయని కేంద్ర రోడ్డు రవాణా, రహదారుల మంత్రి నితిన్ గడ్కరీ | (Union Minister for Road Transport and Highways Nitin Gadkari) పేర్కొన్నారు.

క్లీన్ మొబిలిటీ వైపు భారత్​ చేస్తున్న ప్రయాణంలో ఇది కీలకమైన మైలురాయిగా వెల్లడించారు. దిల్లీలో సోమవారం (అక్టోబరు 6) 20వ FICCI హైయర్ ఎడ్యుకేషన్ సమ్మిట్ 2025 (FICCI Higher Education Summit 2025) నిర్వహించారు. ఈ వేడుకలో పాల్గొన్న ఆయన మాట్లాడారు.

మన దేశం తాజాగా జపాన్​ను అధిగమించి ప్రపంచంలో మూడో అతిపెద్ద ఆటోమొబైల్ మార్కెట్​గా ఎదిగిందని కేంద్రమంత్రి ఇటీవలే పేర్కొన్నారు.

EV vehicles | మూడో అతిపెద్ద దేశం

రాబోయే ఐదేళ్లలో నంబర్ వన్ స్థానాన్ని అందుకుంటుందని తాజాగా ప్రస్తావించారు. ప్రస్తుతం ఆటోమొబైల్ ఇండస్ట్రీ (automobile industry) లో యూఎస్ (US)​ అగ్రగామిగా ఉంది. దీని విలువ రూ.78 లక్షల కోట్లుగా ఉంది.

చైనా (CHINA) దాదాపు రూ.47 లక్షల కోట్ల విలువతో రెండో స్థానంలో కొనసాగుతోంది. మూడో స్థానంలో ఉన్న జపాన్​ (JAPAN) ను భారత్​ (BHARATH) అధిగమించింది. రూ.22 లక్షల కోట్ల విలువతో మూడో స్థానంలో ఉంది.

ఈ క్రమంలో గడ్కరీ మాట్లాడుతూ.. శిలాజ ఇంధనాలపై ఆధారపడటాన్ని తగ్గించడంలో ఆర్థిక, పర్యావరణ ప్రాధాన్యాన్ని వివరించారు.

ఇథనాల్ ఉత్పత్తి గ్రామీణ ఆర్థిక వ్యవస్థను మరింత గట్టిగా బలపరుస్తుందని ఆశాభావం వ్యక్తం చేశారు. మొక్కజొన్న ద్వారా ఇథనాల్ ప్రొడక్ట్​ చేస్తూ రైతులు అదనంగా రూ. 45,000 కోట్లు సంపాదించినట్లు మంత్రి తెలిపారు.