అక్షరటుడే, కామారెడ్డి: Engineering College | ఎన్నో ఏళ్ల పోరాటాల ఫలితంగానే ఇంజినీరింగ్ కళాశాల (Engineering College) మంజూరైందని డాక్టరేట్స్ అసోసియేషన్ హర్షం వ్యక్తం చేసింది. గురువారం భిక్కనూరు సౌత్ క్యాంపస్లో డాక్టరేట్స్ అసోసియేషన్ (Doctorates Association) ఆధ్వర్యంలో పటాకులు కాల్చి సంబరాలు చేసుకున్నారు. ఈ సందర్భంగా డాక్టర్స్ అసోసియేషన్ అధ్యక్షుడు సంతోష్ గౌడ్ మాట్లాడుతూ ఇంజినీరింగ్ కళాశాల మంజూరు ఎన్నో ఏళ్ల పోరాటమన్నారు.
ఈ ప్రాంత ప్రజల చిరకాల వాంఛ తీరిందని సంతోషం వ్యక్తం చేశారు. ఇంజినీరింగ్ కళాశాల కోసం వైస్ ఛాన్స్లర్గా బాధ్యతలు చేపట్టిన నాటి నుంచి యాదగిరి రావు తీవ్ర కృషి చేశారన్నారన్నారు. ఈ సందర్భంగా ఆయనకు కృతజ్ఞతలు తెలిపారు. ఇంజినీరింగ్ కళాశాల ఏర్పాటుతో ఉమ్మడి జిల్లా విద్యాపరంగా ఉన్నత స్థాయికి చేరుకుంటుందని ఆశాభావం వ్యక్తం చేశారు. కార్యక్రమంలో ప్రిన్సిపాల్ ప్రొఫెసర్ సుధాకర్, డాక్టర్ రాజేశ్వరి, డాక్టర్స్ అసోసియేషన్ నాయకులు సరిత, రాహుల్, సత్యం, రమేశ్, అధ్యాపకులు ప్రొఫెసర్ అంజయ్య, మోహన్ బాబు, యాలాద్రి తదితరులు పాల్గొన్నారు.
