అక్షరటుడే, వెబ్డెస్క్: ACB Raids | ఇరిగేషన్ శాఖ ఎగ్జిక్యూటివ్ ఇంజినీర్(Irrigation Department Executive Engineer) నూనె శ్రీధర్ కోట్లకు పడగలెత్తాడు. గతంలో కాళేశ్వరం ప్రాజెక్ట్ ఈఈగా పనిచేసిన ఆయన 6, 7, 8 ప్యాకేజీ పనులను పర్యవేక్షించారు. ఈఈగా ఆయన భారీగా అక్రమ ఆస్తులు కూడబెట్టారు. ప్రస్తుతం కరీంనగర్ జిల్లా చొప్పదండి ఎస్సారెస్పీ క్యాంపు కార్యాలయం(SRSP Camp Office)లో ఈఈగా పనిచేస్తున్న ఆయన నివాసాలసై ఏసీబీ అధికారులు(ACB Raids) దాడులు చేశారు. ఏకకాలంలో 12 ప్రాంతాల్లో సోదాలు చేపట్టారు. ఈ సందర్భంగా ఆయన ఆక్రమ సంపాదన చూసి అధికారులే ఆశ్చర్యపోయారు.
ACB Raids | భారీగా స్థిరాస్తులు
రాష్ట్రంలోని 12 ప్రాంతాల్లో ఏసీబీ అధికారులు తనిఖీలు నిర్వహించారు. ఈ సందర్భంగా ఈఈ శ్రీధర్కు భారీగా స్థిరాస్తులు ఉన్నట్లు గుర్తించారు. వరంగల్లో 3 అంతస్తుల భవనం, మలక్‌పేటలో 4 అంతస్తుల భవనం, షేక్‌పేటలో స్కై హైలో 4,500 చదరపు అడుగుల ఫ్లాట్, తెల్లాపూర్‌లోని ఉర్జిత్ గేటెడ్ కమ్యూనిటీలోని విల్లా ఉన్నాయి.
ACB Raids | థాయ్లాండ్లో డెస్టినేషన్ వెడ్డింగ్
అవినీతి, అక్రమాలకు పాల్పడిన ఈఈ శ్రీధర్ తన కొడుకు పెళ్లిని థాయ్లాండ్(Thailand)లో నిర్వహించడం గమనార్హం. కాళేశ్వరం ప్రాజెక్ట్ (Kaleshwaram Project)నిర్మాణ సమయంలో ఈయన భారీగా సంపాదించినట్లు ఆరోపణలున్నాయి. రూ.కోట్లు ఖర్చు పెట్టి తన కుమారుడికి థాయ్లాండ్లో డెస్టినేషన్ వెడ్డింగ్(Destination Wedding) జరిపించాడంటే ఆయన అక్రమ సంపాదన ఎంతుందో అర్థం చేసుకోవచ్చు. ప్రస్తుతం ఆయనకు ఉన్న ఆస్తుల విలువ రూ.కోట్లలో ఉంటుందని అధికారులు తెలిపారు. ఈ మేరకు ఈఈ శ్రీధర్పై కేసు నమోదు చేసి దర్యాప్తు చేస్తున్నారు.
