అక్షరటుడే, హైదరాబాద్: Hyderabad Drug racket | విశ్వ నగరంగా ఎదుగుతున్న హైదరాబాద్లో ఇటీవల వెలుగు చూస్తున్న డ్రగ్స్ కేసులు భాగ్యనగరానికి మాయని మచ్చగా పరిణమిస్తున్నాయి.
బార్లు Bars, పబ్లు pubs, రెస్టారెంట్లు restaurants, ప్రైవేటు యూనివర్సిటీలు universities.. ఇలా ఎక్కడ చూసినా డ్రగ్స్ వినియోగం విచ్చలవిడిగా ఉంటోంది. ఇదిలా ఉంటే.. డ్రగ్స్ తయారీ కూడా సంచలనంగా మారుతోంది. ఇటీవలే రూ. 12 వేల కోట్ల డ్రగ్స్ తయారీ రాకేట్ గుట్టురట్టయింది. తాజాగా మరో ఘటన వెలుగులోకి వచ్చింది.
హైదరాబాద్ నడిబొడ్డున డ్రగ్స్ తయారీ కలకలం రేపింది. మొన్న కంపెనీలో డ్రగ్స్ తయారీ వెలుగు చూడగా.. ఈసారి ఓ ప్రైవేటు పాఠశాలలో వెలుగు చూడటం గమనార్హం. అదీనూ ఏకంగా ప్రిన్సిపలే డ్రగ్స్ తయారు చేయడం షాక్కు గురిచేసే అంశం.
Hyderabad Drug racket | భారీగా డ్రగ్స్, నగదు స్వాధీనం..
బోయిన్‌పల్లి Boinpally లోని మేధా స్కూల్‌ Medha School లో డైరెక్టర్ జయప్రకాష్ గౌడ్ డ్రగ్స్ తయారు చేస్తూ పట్టుబడ్డాడు. పోలీసులు రైడ్ చేయగా 7 కిలోల డ్రగ్స్ దొరికింది. దీంతోపాటు రూ.20 లక్షల నగదును కూడా పోలీసులు స్వాధీనం చేసుకున్నారు.
రూం నంబరు 6 తో పాటు మరో రెండు గదుల్లో డ్రగ్స్ Drug తయారు చేస్తున్నట్లు పోలీసులు గుర్తించారు. ఈ గదులను డైరెక్టర్ ఎప్పుడు కూడా మూసి ఉంచేవాడని విచారణలో తేలింది.
130 మంది పిల్లలు ఉండే పాఠశాలలో గుట్టుచప్పుడు కాకుండా డ్రగ్స్ తయారు చేయడం స్థానికులను షాక్కు గురిచేసింది. దీనిపై తల్లిదండ్రులు ఆందోళన చెందుతున్నారు.
పాఠశాలలోని కెమిస్ట్రీ ల్యాబ్‌లో 8 రియాక్టర్లు, 8 డ్రైయర్లు పెట్టి డ్రగ్స్ తయారు చేస్తున్నట్లు పోలీసులు గుర్తించారు. సోమవారం నుంచి శనివారం వరకు డ్రగ్స్ తయారు చేసే సదరు డైరెక్టర్ / ప్రిన్సిపల్.. తాను తయారు చేసిన ప్రొడక్ట్ను. ఆదివారం డెలివరీ చేసేవాడు.
