అక్షరటుడే, వెబ్డెస్క్ : Nizamabad | మహిళలకు రక్షణ లేకుండా పోయింది. వైశ్య సామాజిక వర్గానికి చెందిన ఓ ప్రముఖ డెంటల్ డాక్టర్, ‘ఆయిల్’ పేరిట పేరు గల రియల్ ఎస్టేట్ వ్యాపారి ఓ మహిళపై వేధింపులకు పాల్పడుతున్నారు. ఈ ఘటన నిజామాబాద్లో చోటు చేసుకుంది. డాక్టర్, వ్యాపారి తనకు వీడియో కాల్స్ చేస్తూ అసభ్యంగా ప్రవర్తిస్తున్నారని బాధితురాలు వాపోయింది.
ప్రముఖ డెంటల్ వైద్యుడు, ఒక రియల్ ఎస్టేట్ వ్యాపారి తనకు ఫోన్ చేసి అసభ్యంగా మాట్లాడుతున్నారని సదరు మహిళ సీపీ సాయి చైతన్యకు ఫిర్యాదు చేసింది. సదరు మహిళ ఓ ప్రైవేట్ సంస్థలో పని చేసేది. అయితే వారి వేధింపులు తాళలేక రెండేళ్ల క్రితం జాబ్ మానేసింది. అయినా తరుచూ ఫోన్లు చేసి వేధిస్తున్నారని ఆమె వాపోయింది. వారిపై చర్యలు తీసుకోవాలని కోరింది. దీంతో స్పందించిన సీపీ వారిపై కేసు నమోదు చేయాలని సంబంధిత పోలీస్ స్టేషన్కు సిఫార్సు చేసినట్లు సమాచారం.
కాగా సదరు యువతి వివాహనికి ముందు ఓ ప్రైవేట్ సంస్థలో రిసెప్షనిస్ట్గా పని చేసేది. ఆ సమయంలో ఆ సంస్థ యజమాని బావమరిది, వ్యాపారి ఆమె ఫోన్ నంబర్ తీసుకొని మాట్లాడేవారు. అనంతరం ఓ డెంటల్ డాక్టర్ సైతం ఆ సంస్థలో పని నిమిత్తం వచ్చి ఆమెతో పరిచయం పెంచుకున్నాడు. యువతికి పెళ్లయన తర్వాత జాబ్ మానేసింది. అయినా కూడా వారు ఫోన్ చేసి వేధింపులకు పాల్పడుతున్నారు. న్యూడ్ కాల్ చేస్తే రూ.5 వేలు, గెస్ట్ హౌజ్కు వస్తే రూ.10 వేలు ఇస్తామని ఫోన్లు చేసి వేధిస్తున్నారని బాధితురాలు వాపోయింది. సోమవారం ప్రజావాణిలో ఆమె సీపీకి ఫిర్యాదు చేశారు.
