Indalwai | జాతీయ రహదారిపై డీసీఎం బోల్తా

అక్షరటుడే, ఇందల్వాయి : Indalwai | ఇందల్వాయి పోలీస్ స్టేషన్ (Indalwai Police Station) పరిధిలోని దేవి తండా సమీపంలో 44వ జాతీయ రహదారిపై గురువారం ఉదయం డీసీఎం బోల్తా పడింది. స్థానికులు తెలిపిన వివరాల ప్రకారం.. హైదరాబాద్ (Hyderabad)​ వైపు నుంచి అంకాపూర్ (Ankapoor) గ్రామానికి అగ్రి సీడ్స్ (Agri Seeds) విత్తనాలు తీసుకెళ్తున్న డీసీఎం టైర్​ పేలడంతో డివైడర్​ను ఢీకొట్టి బోల్తా పడింది. ఈ ఘటనలో ఎవరికి ఎలాంటి గాయాలు కాలేదు. ఆ సమయంలో పక్కన వాహనాలు లేకపోవడంతో పెను ప్రమాదం తప్పిందని స్థానికులు పేర్కొన్నారు. సమాచారం అందుకున్న పోలీసులు ఘటనా స్థలానికి చేరుకొని పరిశీలించారు.