CPI Kothagudem Victory | కొత్తగూడెంలో సీపీఐ విజయం.. గజ్వేల్​లో బీఆర్​ఎస్​ గెలుపు

అక్షరటుడే, వెబ్​డెస్క్: CPI Kothagudem Victory | కొంతకాలంగా తెలంగాణ (Telangana)లో ఆదరణ కోల్పోతున్న సీపీఐ మున్సిపల్ ఎన్నికల్లో సత్తా చాటింది. కొత్తగూడెం కార్పొరేషన్​ను కైవసం చేసుకుంది.

అసెంబ్లీ ఎన్నికల్లో (Assembly Elections) కాంగ్రెస్​తో పొత్తుపెట్టుకొని కొత్తగూడెం ఎమ్మెల్యే సీటును గెలుచుకున్న సీపీఐ తాజాగా కార్పొరేషన్​ను గెలుచుకోవడం గమనార్హం. మొత్తం 47 వార్డులు ఉండగా.. సీపీఐ 25, కాంగ్రెస్‌ 14, బీఆర్ఎస్‌ 4, బీజేపీ 1, సీపీఎం 1, ఇండిపెండెంట్ 2 చోట్ల విజయం సాధించారు. మేయర్​ పీఠం దక్కించుకోవడానికి కావాల్సిన స్పష్టమైన మెజారిటీ రావడంతో సీపీఐ నాయకులు (CPI Leaders), కార్యకర్తలు హర్షం వ్యక్తం చేస్తున్నారు.

CPI Kothagudem Victory | గజ్వేల్​లో..

మాజీ సీఎం, బీఆర్​ఎస్​ అధినేత ప్రాతినిధ్యం వహిస్తున్న గజ్వేల్​లో బీఆర్​ఎస్​ విజయం సాధించింది. మొత్తం 14 వార్డులకు గాను 8 వార్డుల్లో బీఆర్​ఎస్​ గెలుపొందింది. కాంగ్రెస్​ 5, బీజేపీ ఒకచోట గెలుపొందాయి. రంగారెడ్డి జిల్లా (Rangareddy District) ఆమనగల్ మున్సిపాలిటీలో సైతం గులాబీ పార్టీ విజయం సాధించింది. మొత్తం 15 వార్డులకు గాను బీఆర్ఎస్ 8, బీజేపీ 6, కాంగ్రెస్ 1 వార్డుల్లో గెలుపొందాయి.వైరా మున్సిపాలిటీని కాంగ్రెస్ హస్తగతం చేసుకుంది. మొత్తం 20 వార్డుల్లో కాంగ్రెస్​ 12, బీఆర్​ఎస్​ 5, సీపీఐ 1, సీపీఎం 1, స్వతంత్ర అభ్యర్థి ఒక చోట విజయం సాధించారు.ఉమ్మడి మెదక్​ జిల్లాలో బీఆర్​ఎస్​ సత్తా చాటింది. గజ్వేల్​, దుబ్బాక, తుప్రాన్​, చేర్యాల, గడ్డపోతారం, జిన్నారం, గుమ్మడిదల, ఇంద్రేశం మున్సిపాలిటీల్లో గులాబీ పార్టీ విజయం సాధించింది.