అక్షరటుడే, వెబ్డెస్క్ : Hyderabad | ఇటీవల కొందరు రెచ్చిపోతున్నారు. పబ్లిక్లో రొమాన్స్ చేస్తున్నారు. నలుగురు చూస్తున్నారనే సోయి లేకుండా ఇష్టం వచ్చినట్లు ప్రవర్తిస్తున్నారు. సోషల్ మీడియా (Social Media)లో ఫేమస్ కావడానికి మరికొందరు వాహనాల మీద సైతం రొమాన్స్ చేస్తున్నారు.
సోషల్ మీడియాలో ఫేమస్ కావడానికి కొందరు బరితెగిస్తున్నారు. బైక్లపై, కార్లలో రొమాన్స్ చేస్తున్నారు. అది కూడా ప్రమాదకరంగా డ్రైవింగ్ చేస్తూ ఇతరుల ప్రాణాలను రిస్క్లో పెడుతున్నారు. తాజాగా ఓ జంట ఆటోలో రొమాన్స్ చేసింది. డ్రైవర్ తనపై యువతిని కూర్చొపెట్టుకొని రొమాన్స్ చేస్తూ ఆటో నడిపాడు. ప్రమాదకరంగా డ్రైవింగ్ చేస్తున్న అతడిని పలువురు వీడియో తీశారు. రోడ్డుపై వెళ్తున్న వారు వీడియో తీస్తున్న ఆ జంట తమ పనిని ఆపకపోవడం గమనార్హం. హైదరాబాద్ నగరంలోని చాదర్ఘాట్ ప్రాంతంలో ఈ ఘటన చోటు చేసుకుంది. చాదర్ఘాట్ (Chadarghat) బ్రిడ్జి మీదుగా వెళ్తూ ఏకంగా ఆటోలోనే డ్రైవర్ సీటులో అందరూ చూస్తుండగా రొమాన్స్ చేశారు.
Hyderabad | మైనర్గా గుర్తించిన పోలీసులు
ఆటోలో రొమాన్స్ చేస్తున్ వీడియో వైరల్ (Video Viral) కావడంతో పోలీసులు స్పందించారు. సదరు ఆటో డ్రైవర్ను పట్టుకున్నారు. అతడిని మైనర్ (17)గా గుర్తించారు. అతడిది నల్గొండ అని తెలిపారు. సదరు యువకుడితో పాటు తల్లిదండ్రులకు కౌన్సెలింగ్ ఇచ్చారు. ట్రాఫిక్ నిబంధనలు (Traffic Regulations) ఉల్లంఘిస్తే కఠిన చర్యలు తీసుకుంటామని హెచ్చరించారు. కాగా మైనర్లు వాహనాలు నడపడమే నేరం. అలాంటిది ఆ యువకుడు ఏకంగా ఆటో నడుపుతూ రొమాన్స్ చేయడం గమనార్హం. ఇలాంటి వారితో రోడ్డు ప్రమాదాలు జరిగే అవకాశం ఉంది. సదరు యువకుడిపై పబ్లిక్ న్యూసెన్స్, ప్రమాదకర డ్రైవింగ్ కేసులు నమోదు చేయాలని ప్రజలు కోరుతున్నారు.
2 comments
[…] గౌస్, మెహ్ఫిల్ హోటళ్లు హైదరాబాద్ (Hyderabad) కేంద్రంగా వ్యాపారం […]
[…] నుంచి హైదరాబాద్ (Hyderabad) వెళ్తున్న బస్సులో ప్రమాద సమయంలో […]
Comments are closed.