Fake Currency | వర్నిలో నకిలీ నోట్ల కలకలం.. కొనసాగుతున్న విచారణ..!

అక్షరటుడే, బాన్సువాడ: Fake Currency | వర్ని మండలం జలాల్​పూర్​లో నకిలీ నోట్ల (Fake notes) ఘటన కలకలం సృష్టిస్తోంది. గ్రామానికి చెందిన ఓ రైతు తన పంట రుణాన్ని తిరిగి చెల్లించేందుకు స్థానిక బ్యాంక్​కు వెళ్లాడు.

బ్యాంక్​లోని క్యాష్​ కౌంటర్​లో (bank cash counter) రూ.500 నోట్లు 417 ఇచ్చాడు. క్యాషియర్​ వాటిని నోట్ల లెక్కింపు యంత్రంలో పెట్టగా అందులో కొన్ని నకిలీ నోట్లుగా తేలాయి. దీంతో వెంటనే స్పందించిన బ్యాంక్​ సిబ్బంది వర్ని పోలీస్​స్టేషన్​లో ఫిర్యాదు చేసినట్లు సమాచారం. దీనిపై ప్రస్తుతం విచారణ జరుగుతోందని తెలిసింది.