అక్షరటుడే, కామారెడ్డి: NH44 | అతి వేగంగా వస్తున్న కంటెయినర్ ముందు వెళ్తున్న లారీని ఢీకొన్న ఘటన 44వ జాతీయ రహదారి(National Highway 44)పై టేక్రియాల్ వద్ద చోటుచేసుకుంది. ఈ ఘటనలో కంటెయినర్(Container) డ్రైవర్ మృతి చెందాడు. దేవునిపల్లి ఎస్సై(Devunipalli SI) రాజు తెలిపిన వివరాల ప్రకారం.. నిజామాబాద్ నుంచి హైదరాబాద్ వైపు వెళ్తున్న మహారాష్ట్రకు చెందిన లారీని రాజస్థాన్​కు చెందిన కంటెయినర్ వాహనం వెనక నుంచి వేగంగా వచ్చి టేక్రియాల్​ వద్ద బుధవారం తెల్లవారుజామున ఢీకొట్టింది. దీంతో జాతీయ రహదారిపై భారీగా ట్రాఫిక్ జాం అయ్యింది. పోలీసులు వచ్చి జేసీబీ సహాయంతో లారీలను పక్కకు తప్పించి ట్రాఫిక్ క్లియర్ చేశారు. ఈ ఘటనలో కంటెయినర్ వాహనం క్యాబిన్ పూర్తిగా ధ్వంసం కాగా అందులో చిక్కుకున్న డ్రైవర్, క్లీనర్లకు తీవ్ర గాయాలయ్యాయి. ఇద్దరిని చికిత్స నిమిత్తం జిల్లా ఆస్పత్రికి తరలించగా కొన ఊపిరితో కొట్టుమిట్టాడుతున్న డ్రైవర్ మృతి చెందాడు. క్లీనర్​ను చికిత్స నిమిత్తం నిజామాబాద్ తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.