Constable murdered | నగరంలో దారుణం.. కానిస్టేబుల్​ను కత్తితో పొడిచి చంపిన దొంగ

14

అక్షరటుడే, ఇందూరు: Constable murdered | నిజామాబాద్​ జిల్లా కేంద్రం (Nizamabad district headquarters) లో దారుణం చోటుచేసుకుంది. పోలీసు కానిస్టేబుల్​ను ఓ నిందితుడు దారుణంగా హతమార్చాడు. కత్తితో ఛాతిలో పొవడంతో కానిస్టేబుల్ కుప్పకూలిపోయాడు. ​

ఓ కేసులో నిందితుడిని అరెస్టు చేసి తీసుకొస్తుండగా.. కానిస్టేబుల్​పై అతడు ఎదురు తిరిగి దాడికి దిగాడు. ఈ ఘటన స్థానికంగా కలకలం రేపుతోంది.

నిజామాబాద్​ నగరంలోని నాలుగో ఠాణా పరిధిలో ఉన్న వినాయక్​ నగర్​ ప్రాంతంలో ఈ దారుణ ఘటన చోటుచేసుకుంది. సీసీఎస్ కానిస్టేబుల్​ ప్రమోద్ దారుణ హత్యకు గురయ్యారు.

Constable murdered | పలు కేసుల్లో నిందితుడు..

నగరంలోని నాగారం ప్రాంతానికి చెందిన రియాజ్ పలు కేసుల్లో నిందితుడిగా ఉన్నాడు. కాగా, అతడిని కానిస్టేబుల్​ constable ప్రమోద్ అదుపులోకి తీసుకున్నారు.

నిందితుడిని బైక్​పై ఎక్కించుకుని ఠాణా (police station) కు తరలిస్తుండగా.. వినాయక్​నగర్​ ప్రాంతంలో కానిస్టేబుల్​పై రియాజ్​ దాడి చేశాడు.

వెనుక నుంచి ప్రమోద్​పై కత్తితో దాడి చేశాడు. ​మెయిన్​ రోడ్డు (Main Road) పైనే కానిస్టేబుల్​పై నిందితుడు కత్తితో దాడి చేశాడు. ప్రమోద్​ ఛాతిలో కత్తితో పొడిచి పారిపోయాడు.

కాగా, తీవ్రంగా గాయపడ్డ కానిస్టేబుల్​ ప్రమోద్​ రోడ్డుపై కుప్పకూలిపోయాడు. వెంటనే ప్రమోద్​ను స్థానికులు​ ఆసుపత్రి (hospital) కి తరలించగా, పరిస్థితి విషమించి ప్రమోద్​ మరణించారు.

Constable murdered | రంగంలోకి దిగిన బృందాలు..

కానిస్టేబుల్​ను నిందితుడు చంపడం స్థానికంగా తీవ్ర కలకలం రేపుతోంది. ఈ ఘటనను పోలీసు ఉన్నతాధికారులు సీరియస్​గా తీసుకున్నారు. వెంటనే పోలీసు బృందాలను రంగంలోకి దించారు. నిందితుడి కోసం పోలీసులు తీవ్రంగా గాలిస్తున్నారు.