అక్షరటుడే, వెబ్డెస్క్ : Jubilee Hills counting | జూబ్లీహిల్స్ ఉప ఎన్నికల (Jubilee Hills by-election) కౌంటింగ్ ప్రక్రియ కొనసాగుతోంది. ఉదయం 8 గంటలకు కౌంటింగ్ ప్రక్రియ ప్రారంభం అయింది. రెండు రౌండ్ల ఎన్నికల కౌంటింగ్ ప్రక్రియ పూర్తయ్యే వరకు కాంగ్రెస్ అభ్యర్థి అధిక్యంలో ఉన్నారు.
తొలుత పోస్టల్ బ్యాలెట్ ఓట్లను (postal ballot votes) లెక్కించారు. పోస్టల్ బ్యాలెట్లో కాంగ్రెస్కు ఆధిక్యం కనబరిచింది. బ్యాలెట్ మొత్తం 101 ఓట్లు పోలు కాగా.. బీఆర్ఎస్ – 36, కాంగ్రెస్ – 39, బీజేపీ – 10 పోస్టల్ ఓట్లు సాధించాయి.
రెండు రౌండ్ల కౌంటింగ్ ప్రక్రియ పూర్తయింది. తొలి రౌండ్లో కాంగ్రెస్ అభ్యర్థి నవీన్ యాదవ్ (Naveen Yadav) 8,926 ఓట్లు, బీఆర్ఎస్ అభ్యర్థి మాగంటి సునీతకు (Maganti Sunitha) 8,864 ఓట్లు సాధించారు. తొలి రౌండ్లో నవీన్ యాదవ్ 62 ఓట్ల ఆధిక్యంలో ఉండగా.. రెండో రౌండ్లో కాంగ్రెస్కు 9,691, బీఆర్ఎస్కు 8,609 ఓట్లు పోల్ అయ్యాయి. రెండు రౌండ్లు ముగిసే సరికి నవీన్ యాదవ్ 1,144 ఓట్ల ఆధిక్యంలో ఉన్నారు. ప్రస్తుతం మూడో రౌండ్ కౌంటింగ్ కొనసాగుతోంది. మొత్తం 10 రౌండ్లలో ఫలితం తేలనుంది.
